Beni ecën vetë!

31 Tetor 2016, 09:40, Aktualitet CNA

Gazetar dhe shkrimtar, që fëmijë personazh i jetës publike, sot është njeriu që po tërheq më shumë vëmëndje në politikë.

E filloi si gazetar, drejtues gazete, më pas zv.ministër, prefekt, deputet, ministër e sërish deputet në opozitë dhe pjesë e ekipit që udhëhoqi Rilindjen drejt fitores së zgjedhjeve të vitit 2013.

Ben Blushi sot është zëri më i fortë opozitar ndaj qeverisë, kritik i drejtëpërdrejtë i kryeministrit Rama, reformave dhe veprimit të tij politik. Blushi e ka quajtur Rilindjen të vdekur dhe Ramën të dështuar. Bëri një betejë të hapur dhe me disa shkrime e fjalime mundi të krijojë një frymë, një lëvizje për të shkuar drejt një force politike të re, e cila duket të jetë e ashpër me qeverinë dhe mospërfillëse ndaj opozitës.

Nesër shpallet ?Lista e Barabartë?, partia e Ben Blushit dhe Mimoza Hafizit. Nga nesër Beni do të ecë vetë. Ky është momenti që ai të tregojë sa vlen. Gjithçka krijoi dhe kishte në politikë i vinte prej socialistëve apo ishte një politikan që më shumë jepte se sa merrte nga partia.

Nesër Blushi starton një aksion të ri politik, që në sondazhe por edhe nga çfarë ka publikuar vetë, po tërheq elektorat gri, majtas por edhe djathtas.

Në Tiranë duket të jetë mjaft i fortë, në Korçë pritet të godasë gjithashtu. Problemi i tij do të jetë mungesa e numëruesve dhe komisionerët në zgjedhje, por kjo nuk e ndalon Benin të ecë, i cili ka filluar betejën e tij sa majtas-djathtas duke tentuar të qëndrojë në qendër edhe pse është ekstremisht i majtë në qëndrime dhe që ka votuar çuditërisht kundër ligjit të pronave të përgatitur nga qeveria Rama.

Ben Blushi sot është lajmi politik i ditës dhe do të jetë edhe për shumë kohë në rast se do të ?shkëlqejë? në artikullimin e tij kritik dhe opozitar.

Ndoshta ecja e gjatë kërkon edhe çlodhje. Të shpresojmë ql Beni është i çlodhur dhe në ecjen e tij nuk do të ndalet. Ai është një aset që i duhet politikës shqiptare më shumë se një mazhorancë deputetësh që thjesht marrin rrogën dhe ngrejnë kartonin. /Citynews