E fundit!

07:15 Sociale

Rriten temperaturat/ Moti për ditën e sotme

Ditën e sotme vendi ynë do të mbetet nën ndikimin e masave...

Kush i financon milionat e koncerteve nga Valbona në Tiranë?!

31 Tetor 2016, 11:14, Aktualitet CNA

Protesta kundër importit të mbetjeve, e mbajtur nga shoqëria civile pak javë më parë, ishte një marshim i mijëra qytetarëve, të cilët i thoshin ?Jo? një ligji i cili nuk ka asnjë garanci se nuk do ta kthejë Shqipërinë në një kosh të madh plehrash.

Protesta u mbështet nga opozita, më pas presidenti ktheu ligjin e qeverisë, shoqëria u duk që u bë më e ndjeshme, politika më reflektuese dhe organitzatorët e protestës së parë thelluan përpjekjen e tyre duke mos u ndalur në presionin e tyre ndaj qeverisë. Një akt që duhet përshëndetur pasi tregon se shoqëria civile në Shqipëri ekziston.

Por ditët e fundit ekzistenca e shoqërisë civile po vihet në diskutim me keqpërdorimin e saj apo me financimet e dyshimta të miliona e miliona lekëve, për ti përdorur këto protesta për interesa dhe përfitime politike nga grupe dhe individë, që më shumë se sa hallin e mjedisit apo plehrave duan të faktorizohen për përfitime elektorale duke u përdorur ekskluzivisht nga qeveria.

Protesta e djeshme në Tiranë shoqërohej nga një skenë gjigande, me foni, ndriçim, me këngëtarë që kanë një kosto miliona e miliona lekë. E njëjta gjë është edhe për protestën e para disa ditëve në Valbonë ku u çuan me makina skena, ndriçimi, fonia, këngëtarë, të sponsorizuar jo vetëm nga klani politik por që hëngrën dhe pine falas në një bujtinë pa leje.

Do të ishte më e moralshme, të dyja duart do të ngriheshin ?Pro? aksionit të shoqërisë civile kur ajo vepron vetë dhe jo e financuar nga grupe interesi politike dhe individë që duan të prishin një HEC dhe të ndërtojnë vetë një tjetër.

Do të ishte më me vlerë një marshim tjetër apo qëndrim me orë të zgjatura para kryeministrisë e organizuar nga shoqëria civile se sa një koncert me skena luksoze sa në Tropojë e sa në Tiranë.

Këto shpenzime milionerësh tregojnë fatkeqësisht se interesa politike dhe ekonomike po keqpërdorin shoqërinë civile në aksionin e tyre.

Lëvizja e tyre në rast se do të vazhdojë të pranojë financime dhe keqpërdorime duket se do ta humbasë shumë shpejt integritetin e fituar. Askush deri tani nuk ka bërë publike sa kanë kushtuar këto që thamë më lart dhe kush i ka dhënë këto miliona?

Për të kuptuar të vërtetën e një keqpërdorimi ekonomiko-politik nga segmente që janë ndotës dhe shkatërrues të mjedisit aq sa edhe importi i plehrave. Për më tepër janë segmente milionerësh politikë, që shoqërinë civile po e vendosin nën kontrollin e tyre, për ta patur një profit elektoral duke i dhënë përpara disa miliona, që në fakt kauzën e plehrave e hedhin në kosh të plehrave dhe kur shtrohesh me meze dhe raki në bujtina pa leje, nuk e mbron Valbonën, thjesht shkon për turizëm.

Qytetarët në Tiranë dje dolën më pak se herën e parë për të protestuar. Ndoshta shoqëria civile duhet të thotë atë që ata duan të dinë: Pse e devijuan kauzën e tyre dhe pse pranuan financime nga skenarë politikë dhe financierë të dyshimtë që fillojnë nga protesta në Tropojë dhe dje zbarkuan në Tiranë? Këtë disa prej tyre e dinë dhe të tjerë jo, por disa kanë protestuar dje edhe kundër sponsorave të sotëm, sot financohen dhe janë viktima të tyre. Edhe këta si politika. /Citynews