web counter
LEXO PA REKLAMA!

SHKARKO APP

App Store
Google Play

Nga Kastriot Myftaraj/ Roli i ri i Matilda Makoçit

31 Tetor 2016, 17:05, Aktualitet CNA

Roli më i arritur i Matilda Makoçit si aktore është padyshim ky që luajti në intervistën e saj të ditëve të fundit, ku bëri një vlerësim për ish-bashkëshortin e saj Edi Ramën, me të cilin kishte pasur një divorc të shndërruar në skandal, për faj të bashkëshortit.
Aq i arritur ishte ky rol i Matildës sa duke e parë u përlotën dhe dy gaztorët zyrtarë të Edi Ramës, Mero Baze dhe Bled Trafikanti, të cilët si rregull vetëm zgërdhihen.
Deklarata e Matilda Makoçit të sjell ndërmend fjalët që thoshin gratë e mbretit anglez Henry VIII, kur hipnin njëra pas tjetrës në platformën e ekzekutimit ku i priste sopata e xhelatit. Ato shpresonin në një falje të momentit të fundit. Matilda, e cila e njeh më mirë se çdokush Edi Ramën, kërkon të parandalojë ndonjë të papritur të pakëndshme në të ardhmen, të llojit ?Prisni se nuk keni parë gjë akoma?.
Ky rikthim i befasishëm i Matilda Makoçit si aktore është rrjedhim i paralajmërimit të Edi Ramës në ditët e para si Kryeministër: Prisni se nuk keni parë gjë akoma!
Dhe gjasat janë që në këtë histori kemi ende për të parë. Nëse Edi Rama merr një mandat të dytë si kryeministër, do të shohim Matildën që të dalë e t? u thotë shqiptarëve dhe botës se si ajo e ndjen veten fajtore që me sjelljen e saj e ka dëmtuar njeriun e madh që fati ia solli ta ketë bashkëshort.
Zoti e ruajtë Matildën nga mandati i tretë qeverisës i ish-bashkëshortit, ku ajo mund të arrestohet dhe të dënohet se ka dashur të vrasë burrin e saj.
Matilda ishte ?kurbani? i parë i Edi Ramës, autorit të librit ?Kurban? dhe mund të bëhet kurbani i fundit i tij.
Nëse Enver Hoxha do të kishte jetuar edhe pesë vjet, do të kishte arrestuar edhe gruan e tij, Nexhmijen, të cilën do ta kishte nxjerrë në gjyq si agjente të kushedi sa spiunazheve të huaja.
Emri ?Matilda?, në gjuhën shqipe do të thotë ?fuqi në betejë?. Matilda ka nevojë për këtë gjë./Kastriot Myftaraj





Lajmet e fundit nga