web counter
LEXO PA REKLAMA!

SHKARKO APP

App Store
Google Play

E fundit!

x

Obobo! Zgjedhjet në LSI...

29 Tetor 2016, 09:20, Aktualitet CNA

Lëvizja Socialiste për Integrim, prej disa javës po bën një teatër publik. Është pak ta quash komedi sepse më shumë mund të vlerësohet si sharlatanizëm publik që iu ofrohet shqiptarëve nga një forcë politike e cila mund të kufizohet si ?çeta e sulltanit? nga Skrapari.

Një garë për kryetarin që po bëhet qesharake për faktin se dy rivalët e Metës flasin me gjuhën e tij. Kërkojnë kryeministrin e vendit. Një presion publik ndaj dy forcave të mëdha që Ilir Meta po e bën duke përdorur dy ?rivalët? në garën qesharake që po bë LSI për zgjedhjen e kryetarit.

I pari, Përparim Spahiu, një herë përjashtohet nga Partia, pastaj rikthehet. Në fund, kandidon për kryetar. Për kontributet e tij të ?mëdha? politike dhe monetare është në garë për t?iu thënë shqiptarëve se LSI-ja kërkon postin e kryeministrit në zgjedhjet e ardhshme.

Përballë Përparimit dhe Ilirit qëndron Shezai Rokaj, i cili në këtë garë ndoshta, mund të realizojë edhe ëndrrën e tij për tu bërë deputet, post të cilin Ilir Meta nuk ia dha kurrë.

Të dy ?rivalët? e Ilir Metës, fatkeqësisht po përdoren në një teatër të shëmtuar për të treguar se LSI-ja ka demokraci, ka garë dhe është një parti e madhe. Në fakt, në LSI s?ka demokraci, ajo është e vogël dhe prona private e Ilir Metës. Ai është ?aliu dhe kadiu?. Të tjerët i shkojnë nga pas.

Ajo nuk është një parti evropiane, nuk është e hapur, përpiqet të bëjë ?show? dhe teatër publik, duke fyer dhe dhunuar intelektin e shqiptareve.

Bëjnë një ?show? të panevojshëm, nga i cili forcat e mëdha kanë hequr dorë prej kohësh.

Kreu i PS-së Edi Rama, ka kurajon të mos bëjë garë në parti dhe të thotë se është kryeministri i vendit, dhe për këtë arsye ai mund të quhet i rizgjedhur, dhe kjo është më formale se sa zgjedhjet në LSI.

Nga ana tjetër, Sali Berisha i nxirrte vetë rivalët. Në fund ai hoqi dorë, garonte i vetëm, duke hequr dorë edhe nga një mashtrim publik me një garë formale.

Ilir Meta, ka nxjerrë vetë dy rivalë, i dërgon nëpër rrethe, iu dërgon njerëzit, iu nxjerr nga një fjalë në televizione, a thua se në LSI po bëhet nami dhe po tronditet karrigia e kryetarit.

Në LSI nuk po ndodh asgjë. Ky është teatri i radhës ku skenarist, aktor dhe regjisor është Ilir Meta. Të tjerët përdoren për ?show? që të gjithë të qeshin sa më shumë. Dikë e ka zënë edhe halli sepse ka frikë se si do të shkojnë zgjedhjet në LSI.

Obobo! Zgjedhjet në LSI… Bërtasin socialistët, demokratët, LSI-stët, ata pa parti. Të gjithë po e shohin se kjo garë kaq e madhe dhe e vështirë ku demat po përplasin brirët do të ketë në fund vetëm një fitues. Është kaq e vështirë për ta gjetur se kush do ta fitojë garën që shumë shqiptarë mezi po e presin 6 nëntorin, ditën e madhe për të shpëtuar nga ankthi dhe stresi që i ka zënë./citynews





Lajmet e fundit nga