web counter
LEXO PA REKLAMA!

SHKARKO APP

App Store
Google Play

E fundit!

x

Plani i mazhorancës për ligjin e plehrave/ PS negociata të fshehta me ambientalistët

29 Tetor 2016, 07:35, Aktualitet CNA

Dekreti i Presidentit Bujar Nishani, për ligjin e mbetjeve, nuk parashikohet të futet për votim në seancat e afërta parlamentare. Burime nga Partia Socialiste kanë konfirmuar se të paktën në dy-tre seancat e ardhshme, dekreti i Nishanit nuk do të futet në rend për votim, shkruan “Sot”. Ligji i kundërshtuar nga opozita, shoqëria civile dhe ambientalistët pritet të zvarritet deri sa situata të qetësohet. Është mësuar se gjatë kësaj kohe socialistët do të zhvillojnë disa takime për të bindur ambientalistët dhe qytetarët, se ligji në fjalë nuk do të kthejë Shqipërinë në kosh plehrash të Europës. Po ashtu dhe tani janë duke u zhvilluar negociata të fshehta. Përfaqësuesit e Partisë Socialiste edhe më parë kanë theksuar se ligji që parashikon import mbetjesh nga jashtë ndalon mbetjet e rrezikshme, ndërsa në vend do të sillen vetëm lëndë e parë për kompanitë e riciklimit, që siç edhe vetë kanë deklaruar, janë në prag falimenti. Ndërkohë, paralelisht, Partia Socialiste do të negociojë edhe me aleaten e saj, Lëvizjen Socialiste për Integrim, pa votat e së cilës është e pamundur që dekreti i Presidentit Nishani të rrëzohet.

Ligji ?Për menaxhimin e integruar të mbetjeve? u votua me 63 vota të PS dhe LSI, ndërsa për të rrëzuar dekretin e Presidentit duhen të paktën 71 vota. Ky numër i domosdoshëm votash por edhe reagimi qytetar, bënë që mazhoranca të presë deri në një moment kur situata do të jetë më e qetë për të votuar dekretin e kreut të shtetit, që në argumentet e tij theksonte se Shqipëria nuk ka kapacitetet e duhura për të importuar mbetje. Gjatë javës së fundit ka patur disa negociata mes PS dhe LSI, në mënyrë që të sigurohen votat e domosdoshme. Partia Socialiste ndërkohë ka pranuar tre propozime të LSI në mënyrë që ligji të kalojë. Aleati tjetër i PS, Partia për Drejtësi, Integrim dhe Unitet nuk e ka votuar ligjin në shenjë kundërshtimi, ndërsa kreu i saj, Shpëtim Idrizi dhe deputetët janë shprehur për referendum, pra të jenë qytetarët ata që duhet të vendosin nëse duhet apo nuk duhet të importohen plehra.

Negociatat me ambientalistët

Gjatë kësaj jave, përfaqësuesit e Aleancës Kundër Importit të Mbetjeve kanë zhvilluar tre takime, me të tria grupet kryesore parlamentare. Përfaqësuesit e AKIP kanë zhvilluar një takim pa media me iniciatorin e ligjit, Eduard Shalsi dhe nënkryetarin e grupit parlamentar, Taulant Balla. Është mësuar se këto takime do të vijojnë dhe socialistët do të përpiqen të bindin ambientalistët dhe përfaqësuesit e shoqërisë civile, se importi i mbetjeve nuk paraqet rrezik për Shqipërinë.  Këto takime do të jenë pa prezencën e medieve. Njëkohësisht, përfaqësues të PS do të kenë komunikime me mediat për të informuar opinionin publik, se ligji në fjalë ndalon mbetjet e rrezikshme dhe njëkohësisht do të pastrojë edhe vendin. Sipas argumenteve të Partisë Socialiste, ligji ?Për menaxhimin e integruar të mbetjeve? është hartuar pas kërkesave të kompanive të riciklimit. Sipas qeverisë, kompanitë e riciklimit nuk duhet të largohen nga vendi, duku u zhvendosur në një vend ku mund të kenë sasi më të mëdha mbetjesh për riciklim.





Lajmet e fundit nga