E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Fatos Klosi: Nishani mori urdhër nga ballistët e Amerikës për 67 të dekoruarit

29 Tetor 2016, 07:05, Aktualitet CNA

Ish-kreu i Shërbimit Informativ Shtetëror, Fatos Klosi, ka komentuar aktin e kreut të shtetit, Bujar Nishani, i cili dekoroi 67 ballistët që u pushkatuan në Golem të Lushnjes. Në një prononcim për “Sot”, Fatos Klosi e ka cilësuar një gabim të madh dekorimin e 67 ballistëve, pasi sipas tij, Balli Kombëtar ka bashkëpunuar me pushtuesin kundër popullit shqiptar. Ish-kreu i SHISH ka deklaruar se Presidenti ka marrë urdhër nga ballistët e Amerikës për të dekoruar 67 kolaboracionistët, duke u bërë zëdhënësi i tyre.

Fatos Klosi u shpreh se ballistët në ?43 u bashkuan me gjermanët kundër partizanëve dhe popullit shqiptar, si dhe ishin njerëz të etur për pushtet, edhe sot e kësaj dite. Klosi ka vijuar ta quajë qesharak veprimin e kreut të shtetit, ndërsa tha se në vizitat e shpeshta që bën Amerikë takon ballistë dhe jo ish-partizanë që u bashkuan kundër zgjedhës së huaj. ?Është një veprim qesharak! Më vjen gjynah për të që nuk po gjen punë tjetër. Pas 25 vitesh, Nishani kujtohet për disa ballistë! Me siguri është një detyrë që e ka marrë në Amerikë kur takoi ballistët atje.

Detyrën e ka marrë pikërisht nga shqiptarët e Amerikës që u takua atje. Nishani ka marrë rolin e përfaqësuesve dhe zëdhënësit të tyre. Ai atje nuk takoi ish-partizanë, takoi ballistë. Sepse ata e presin dhe e përcjellin?, u shpreh Fatos Klosi. Sa i takon rolit të Mehmet Shehut, Klosi tha se ai kishte dhe merita por edhe gabime. ?Mehmet Shehu është kritikuar për veprimin që bëri ndaj 67 ballistëve. Nëse e ka kaluar cakun, ka qenë veprim i gabuar. Por ai ka pasur merita dhe gabime?, tha Klosi.

Ballistët, kolaboracionistë

Ish-kreu i SHISH, Fatos Klosi, shkon pas në ngjarjet historike, kur thotë se ballistët u bashkuan me okupatorin në tetor të ?43 dhe u përpoqën që nëpërmjet mbledhjes së Mukjes të fitonin pushtet pas çlirimit të vendit. Por sipas Klosit, ky qëllim nuk iu realizua dhe rrëmbyen armët në tetor të ?43, për të luftuar përkrah gjermanëve, kundër popullit shqiptar. ?Balli ka qenë kolaboracionist në atë kohë që janë vrarë ata njerëz. Ballistët deri në korrik të ?43 nuk u ngatërruan në luftë, por nuk u ngatërruan as me okupatorin. Hodhën ndonjë pushkë lartë e poshtë, u munduan të përfitonin nga Mukja, për të marrë pjesë në pushtetin e ardhshëm pas çlirimit të vendit. Por nuk u bë ajo gjë, dhe pastaj u hodhën përkrah pushtuesve gjermanë?, tha Klosi. Sipas Klosit, të gjithë krerët e Ballit pa përjashtim kanë synuar të marrin pushtetin, ndërsa e cilësoi të pakuptimtë dekorimin që iu bëri Nishani 67 ballistëve. Ai tha se pushtues dhe tradhtarë janë ata që bashkëpunuan me okupatorin, dhe jo ata që luftuan kundër pushtuesve. ?Të gjithë krerët e Ballit kanë qenë njerëz që kanë synuar pushtetin dhe i kanë vajtur mbrapa pushtetit. Presidenti ka bërë një gabim dhe tashmë po mundohet ta mbrojë atë gabim. Ballistët në atë periudhë ishin kolaboracionistë. Në tetor të ?43 ishin kolaboracionistë. Nuk gjej dot asnjë argument përse i ka dekoruar këta ballistë. Duhet të jesh në mendjen e tij që ta kuptosh?, u shpreh Klosi.