web counter
LEXO PA REKLAMA!

SHKARKO APP

App Store
Google Play

E fundit!

x

Rama po fiton betejën me Metën/ Pse po faktorizohet PDIU?

27 Tetor 2016, 08:43, Aktualitet CNA

Kreu I qeverisë Edi Rama në lojën e tij politike është mjaft I fortë dhe I qartë në dço veprim dhe skenar që ai ndërton. Prej dy vjetësh ai nuk ndalet në betejën e tij me Ilir Metën, beteja të cilat e kanë dërrmuar kreun e LSI-së dhe sot ai duket më I dobët se dje, por Ilir Meta është nga ata politikanë që nuk dorëzohet dhe jo pak herë I ka treguar dhëmbët Edi Ramës. Këtë e bëri edhe së fundmi në ?5 pyetjet e Babaramos?, ku tha se LSI-ja pas zgjedhjeve të ardhshme do të ishte ose me më shumë pushtet, ose partia kryesore e Opozitës duke sulmuar kryeministrin dhe injoruar liderin e Opozitës Basha.

Çfarë po ndodh?

Edi Rama e di mjaft mirë se LSI brenda koalicionit është një minë me sahat. Ajo duhet mbajtur një kohë sa më të gjatë për të mos shpërthyer dhe me çdo kusht siguresa duhet të jetë nën kontroll të plotë se LSI mund të shpërthejë në çdo moment.

Për këtë arsye kreu i qeverisë siguresë ka gjetur PDIU-në. Në zgjedhjet e ardhshme brenda koalicionit me 180 mijë votat e zgjedhjeve parlamentare, një rritje me 280 mijë vota në ato lokale, në rast se Meta do të kishte një numër votash midis shifrave të mësipërme në zgjedhjet e ardhshme do të merrte nga 23-24 mandate, afersisht 20% të vendeve në parlament. Njeriu më I frikshëm për Edi Ramën .

Për të dobësuar Ilir Metën brenda koaliconit, I cili ka avatazhin e formulës zgjedhore pasi mbledh të gjitha votat e partive të vogla, Rama ka gjetur çamët e PDIU-së. Janë këta të fundit që po përplasen ballë për ballë me Ilir Metën dhe beteja e tyre do të jetë edhe në zgjedhjet e ardhshme. Rama e do PDIU-në për të ulur numrin e deputetëve të Metës zgjedhjet e ardhshme parlëamentrare. Me PDIU-në brenda koalicionit të majtë ai siguron rreth 70-80 mijë vota të djathta, të cilat në rast se kanë një trend rritjeje mund ti kushtojnë Metës disa mandate deputetësh, të cilat do të zbusin forcën e tij përfaqësuese duke e çuar LSI-në në një numër më të vogël deputetësh se në vitin 2013.

Edi Rama do të tentojë që të sigurojë 71 mandate i vetëm me çamët, 60-63 PS-ja dhe 8-10 mandate PDIU. Në rast se kreu i qeverisë siguron këto numra pas zgjedhjeve të 2017-ës Meta do të jetë edhe më I dobët dhe për të pasur stabilitet në qeveri ai tashmë e ka bërë publike, mund të ftojë në koalicion PAA-në e Agron Dukës, i cili me shumë gjasa do të jetë forca e dytë në koalicionin e djathtë pas PD-së së Lulzim Bashës. Duka duket i fortë dhe i sigurtë për të marrë të paktën 3 mandate deputetësh dhe një qeveri PS-PDIU-PAA mund ta nxirrte Ilir Metën  në opozitë, ndërkohë që PD do të fillonte të merrej me veten pas një humbje që mesa duket të pritshme.

Skenarët e Ramës me çamët janë skenarët e Ramës kundër Metës. Beteja e tyre vazhdon dhe gjithçka do të marrë formë në zgjedhjet e vitit 2017. /Citynews





Lajmet e fundit nga