web counter
LEXO PA REKLAMA!

SHKARKO APP

App Store
Google Play

Koço Kokëdhima si peshku pa ujë

27 Tetor 2016, 08:12, Aktualitet CNA

Koço Kokëdhima u shfaq të hënën në ekran te Blendi Fevziu duke u betuar se do të vazhdonte të ishte miku i mirë i Edi Ramës dhe se nuk do e tradhëtonte atë deri në vdekje. U betua dhe foli se miqësia e tyre nuk ishte prishur, se vazhdonte të ëndërronte se pleqërinë do e kalonin bashkë në Vuno. Në fakt këto ishin përpëlitjet e ish super deputetit që pak javë më pare quhej Komisar Koço Kokëdhima, njeriu që kontrollonte gjithçka ndodhte në jug të vendit, që nga furnizimi me ujë, drita, emërime shkarkime, tendera, ndërhyrje etj etj problematika që kanë zonat elektorale në vendin tonë.

Ai ishte super-deputeti i Vlorës që më pas mori nën kontroll edhe Gjirokastrën. Ai u quajt Komisar I jugut. Shpesh me ironi në media shkruhej se ai ishte njeriu me 3K, nuk I mjaftonin 2 K por me çdo kusht ai do quhej edhe Komisar.

Koço, megjithëse në betimin e tij publik për Edi Ramën tentoi të riafrohej me kryeministrin dhe nuk ndalej në moralin e tij, por në fakt vendimi ishte marrë. Pikërisht në Gjirokastër, të shtunën, dy ditë para intervistës, Edi Rama e kishte shkarkuar Koço Kokëdhimën nga çdo detyrë. Përplasja e tyre nuk po ndalej dhe njeriu më i fortë i jugut kishte mbetur si peshku pa ujë.

Ai mban ende një detyrë sekretari në PS, por këtë post nuk e ushtron. Gradat e Komisarit iu hoqën nga paletat dhe në vend të tij u vendos një ministër besnik i Edi Ramës.

Koço u përpëlit ditën e hënë por tashmë mesa duket nuk ka asnjë vlerë. Në PS hesapet i ka të mbyllura, Edi Rama ia ka mbyllur derën në surrat. Zgjidhja e Koços për tu rifaktorizuar është ndonjë parti e vogël ose Ilir Meta, por me shumë gjasa Komisarit që tashmë është kthyer në ushtar nuk do ta shohë dot nga afër dhe brenda sallës së parlamentit qeverinë dhe kryeministrin e rradhës. /Citynews

 

 





Lajmet e fundit nga