web counter
LEXO PA REKLAMA!

SHKARKO APP

App Store
Google Play

Fotot/ Kur Blushi dhe Rama ishin bashkë

26 Tetor 2016, 17:32, Aktualitet CNA

Deputeti Ben Blushi, i cili së shpejti pritet të krijojë zyrtarisht partinë më të re politike, ka qenë dje i ftuar në emisionin ?Studio e Hapur? të gazetares Eni Vasili. Gjatë emisionit, deputeti Blushi tha se ka qenë ai që e ka futur Edi Ramën në PS dhe në qeverisjen e djeshme të Fatos Nanos.

Ky artikulim i Blushit lidhet me kohën kur Edi Rama u emërua  ministër i Kulturës nga kryeministri i atëhershëm, Fatos Nano. Në të vërtetë, deputeti Ben Blushi ka qenë një nga miqtë e ngushtë të Edi Ramës, por shpesh midis tyre ka pasur përplasje dhe konflikte. Blushi ka qenë një nga mbështetësit e hershëm të Ramës. Ai njihet si personi që e afroi atë me ish-kryeministrin Fatos Nano.

Në vitin 2005, deputeti Ben Blushi mbështeti kandidaturën e Ramës për të marrë drejtimin e Partisë Socialiste, i cili do të zëvendësonte Fatos Nanon. Në atë kohë, Edi Rama shkonte në Korçë për të mbështetur fushatën e Ben Blushit. Por, pas humbjes së zgjedhjeve parlamentare të vitit 2009, Ben Blushi kërkoi largimin e Ramës, ashtu sic e përmbante statuti i Partisë Socialiste, por Rama vendosi të kandidonte përballë Historia u përsërit edhe në vitin 2016 kur Blushi kërkoi që të mbaheshin zgjedhje për kreun e PS-së. Edhe në këtë rast kërkesa e tij mbështetej në statut, por referendumi sa për ?sy e faqe? i propozuar nga Rama, mbështeti këtë të fundit për marrjen e një mandati tjetër në krye të PS-së pa zhvilluar zgjedhje.

Kjo ishte përplasja e fundit, e cila duket se nuk do të ketë më kthim mbrapa për dy miqtë e dikurshëm. Më poshtë, disa foto ndër vite të Blushit dhe Ramës./citynews





Lajmet e fundit nga