web counter
LEXO PA REKLAMA!

SHKARKO APP

App Store
Google Play

Shqipëria është kthyer në Narko-Republikë/ Po diskutojmë një largim të mundshëm nga Parlamenti

26 Tetor 2016, 12:58, Aktualitet CNA

Kryetari i Partisë Demokratike Lulzim Basha foli për mediat menjëherë pas mbledhjes së Grupit Parlamentar.

Basha e konsideroi vendimin e Gjykatës Kushtetuese për pezullinin e ligjit të Vetingut, si të ndërmjetëm por të drejtë.

?Është nje vendim i ndërmjetëm, ne presim vendimin përfundimtar, pa dyshim si vendim i ndërmjetëm është vendim i drejtë sepse i mohon Edi Ramës mundësinë që përmes qehajajve të tij të vendosë se cilët prokurë janë të korruptuar dhe cilët nuk janë. Është një vendim që i hap rrugën zbatimit të kushtetutës së 22 korrikut?, tha kreu i opozitës.

I pyetur për qëndrimin e tij në lidhje me deklaratën e ministrit të Drejtësisë Ylli Manjani që të përfshihet edhe ushtria në luftën kundër kanabisit, Basha tha se, kjo vërteton atë që PD ka deklaruar që Shqipëria është kthyer në një narko-republikë.

? Është një simptomë e gjendjes ku ndodhet vendi kur anëtarë të kabintetit apo bashkëdrejtues të mazhorancës detyrohen të pranojnë atë që ne kemi thënë prej një viti se Shqipëria është kthyer në një narkorepublikë dhe cdo kush që hesht para kësaj, shqiptar ose i huaj ka vetam dy arsye, indiferencën ose korrupsionin?, shtoi Basha.

Sa I përket një largimi të mundshëm nga Parlamenti, kreu I PD-së u shpreh: ?Këtë po e diskutojmë, e diskutuan në grupin parlamentar, me aktivet e PD, me aleatët tanë, me shoqërinë civile, me qytetarët të gjitha format e kundërvënies ndaj këtij regjimi narkotrafikantësh që e quan veten Qeveria e Republikës së Shqipërisë. Gjithçka që po ndodh?. /Citynews





Lajmet e fundit nga