“Tech Reja”/ Vodafone sjell forumin e parë mbi revolucionin e teknologjisë dhe komunikimit

25 Tetor 2016, 13:36, Aktualitet CNA

Me rastin e 15 vjetorit të operimit në tregun shqiptar, Vodafone Albania organizon ?Tech Reja?, të parin forum mbi revolucionin e teknologjisë dhe komunikimit përmes saj.

Ky forum që do të zhvillohet në datat 24- 25 Tetor, do të mbledhë tek instalacioni ?Reja?, figura të njohura, ndërkombëtare e shqiptare të fushës së telekomunikacionit, teknologjisë dhe medias.

Gjatë diskutimeve dhe refleksioneve mbi të shkuarën, të tashmen dhe të ardhmen e teknologjisë së komunikimit, si dhe ndikimin që Vodafone Albania ka pasur në këtë drejtim, ?Tech Reja? do të sjellë në vëmendje fakte e shifra shumë interesante mbi inovacionin dhe teknologjinë në këto 15 vjet. Pjesë e ?Tech Reja? vjen edhe një ekspozitë mbi evoluimin e telefonisë celulare nga telefoni bazik që mund të kryente vetëm telefonata, deri tek aparati inteligjent, si mjeti më i domosdoshëm i jetës së përditshme.

Forumi u hap dje pasdite me fjalën e Drejtorit të Përgjithshëm të Vodafone Albania, Dietlof Mare, i cili prezantoi tek të pranishmit eksperiencën, rolin kyç që kompania ka luajtur në zhvillimin e industrisë së komunikimeve elektronike në vend si dhe vizionin për të ardhmen që Vodafone Albania sjell për klientët.

?Jemi tepër entuziast për arritjet dhe rezultatet e investimit dhe kontributit të Vodafone Albania në 15 vjet në tregun shqiptar. Nuk do ndalemi këtu. Sfida e rradhës është të edukojmë klientët për të rejat teknologjike që po afrojnë, ndër to teknologjia 5G dhe Internet of Things që do të ndryshojnë tërësisht mënyrën sesi jetojmë apo punojmë deri më sot? ? tha Drejtori i Përgjithshëm i Vodafone Albania, Dietlof Mare

E ftuar speciale në ditën e parë të forumit ishte izraelitja Toot Shani, e njohur si mentore dhe sipërmarrëse që ka nxitur dhe përkrahur të rinjtë në Izrael për të ndjekur pasionet dhe realizuar ëndrrat e tyre. Ajo ndau në Tech Reja një fjalim mbi teknologjinë dhe biznesin që ngjalli interes tek të pranishmit.

Zhvillimi me hapa të shpejtë i teknologjisë ka rritur ndjeshëm fuqinë e komunikimit dhe të lajmit përmes mediave dixhitale. Për të folur rreth këtij revolucioni, bazuar dhe në eksperiencat e tyre personale, të ftuar në këtë forum ishin gazetarët Anila Basha dhe Blendi Salaj.

?Tech Reja? do të vijojë edhe sot pasdite, me të tjera aktivitete e diskutime, që do të kenë në fokus zhvillimin e rrjeteve sociale. Do të publikohet raporti i parë i realizuar enkas për ?Tech Reja? nga PROTIK në bashkëpunim me Vodafone Albania. Më tej, ?Tech Reja? do të presë fansat e teknologjisë në ?Vodafone Fans Party? , për të festuar së bashku 15 vite teknologji dhe inovacion.

Vodafone Albania ka qenë dhe do të jetë si gjithmonë forca lëvizëse për zhvillimin e industrisë së komunikimeve elektronike në Shqipëri.

?Tech Reja? është një tjetër shembull i angazhimit të vazhdueshëm të Vodafone Albania për t?iu siguruar klientëve të saj zërin e fundit të teknologjisë. Ky forum pritet të jetë pikënisja e një sërë aktivitetesh të ngjashme për ta kthyer ?Tech Reja? në një traditë të përvitshme. /Citynews