web counter
LEXO PA REKLAMA!

SHKARKO APP

App Store
Google Play

E fundit!

x

Shpallen 23 asete të trashëgimisë kulturore në mbrojtje të përhershme

7 Tetor 2016, 16:16, Kosova & Bota CNA

Këshilli i Kosovës për Trashëgimi Kulturore përmes një komunikate bën të ditur shpalljen në mbrojtje të përhershme të 23 aseteve të trashëgimisë kulturore.

Këshilli i Kosovës për Trashëgimi Kulturore, thuhet në komunikatë, në mbledhjen e mbajtur dje, më 6 tetor, bazuar në kompetencat e tij ligjore ka bërë shpalljen e njëzetetre (23) aseteve të trashëgimisë kulturore në mbrojtje të përhershme, të cilat janë propozuar nga Ministria e Kulturës, Rinisë dhe Sportit.

Procesi i shqyrtimit të aseteve të propozuara është zhvilluar në disa faza, duke përfshirë analizën e dosjeve të propozuara, kualifikimin dhe vlerësimin e gjendjes së tyre. Ky proces është finalizuar me shpalljen e 23 aseteve në mbrojtje të përhershme pas shqyrtimit, vlerësimit dhe kualifikimit të propzimeve nga MKRS. Këto asete të shpallura bëjnë pjesë në dy kategori, trashëgiminë arkeologjike dhe arkitekturale.

Procesi i shpalljes në mbrojtje të përhershme zhvillohet për herë të parë në Republikën e Kosovës dhe me të drejtë konsiderohet zhvillim historik për trashëgiminë e vendit tonë duke e afruar në këtë mënyrë edhe më shumë anëtarësimin e Kosovës në UNESCO si dhe mekanizmat e nismat e tjera ndërkombëtare. Njëkohësisht ofron mbrojtje ligjore të nevojshme për ruajtjen e trashëgimisë kulturore duke u bazuar dhe mbështetur në kriteret profesionale të përcaktuara në legjislacionin vendor dhe atë ndërkombëtar. /Citynews.al





Lajmet e fundit nga