web counter
LEXO PA REKLAMA!

SHKARKO APP

App Store
Google Play

E fundit!

x

Britania gati për largimin nga BE në shkurt 2017

17 Shtator 2016, 13:14, Kosova & Bota CNA

Kryeministrja britanike Theresa May me gjasa do të nisë procesin formal të largimit nga Bashkimi Europian në fillim të vitit të ardhshëm.

Presidenti i Këshillit Europian Donald Tusk u shpreh se zonja May i kishte komunikuar atij se Mbretëria e Bashkuar do të jetë gati për bisedimet mbi largimin në shkurt 2017.

Tusk tha se bisedat e tij me May, në Londër kishin qenë të hapura dhe të sinqerta.

Kryeministrja kishte shprehur pamundësinë për të nxitur artikullin 50 të marrëveshjes së Lisbonës gjatë këtij viti, gjë që lë të kuptohet se Brexit mund të ndodhë vetëm duke filluar nga viti i ardhshëm.

Deklarata e zotit Tusk erdhi nga Samiti i Bashkimit Europian në Bratislavë, ku për herë të parë, liderët u mblodhën në një samit pa praninë e Mbretërisë së Bashkuar.

Megjithatë, zyra e May nuk e ka konfirmuar ende deklaratën e Presidentit të Këshillit Europian.

Ka ende pështjellim mbi natyrën e marrëdhënies mes bllokut të vendeve europiane dhe Mbretërisë së Bashkuar, sidomos nëse kjo e fundit do të vendosë të mbetet antare e tregut të përbashkët.

Presidenti i Komisionit Europian, Jean-Claude Juncker ka këmbëngulur se Mbretëria e Bashkuar nuk mund të ketë akses në tregun e përbashkët pa pranuar lëvizjen e lirë të punëtorëve, ndërkohë që May është shprehur se qeveria e saj do të planifikojë dhe kontrllojë lëvizjen e qytetarëve të BE të cilët kërkojnë të hyjnë në vend. /Citynews.al





18:58 Kosova & Bota

Kur vritej Bin Laden

 … Njerëzit e McRaven ishin në gatishmëri në Jalalabad. Pasi...

Lajmet e fundit nga