web counter
LEXO PA REKLAMA!

SHKARKO APP

App Store
Google Play

E fundit!

x

Mbaron mandati i kreut të KQZ-së/ Ja kandidatët e mundshëm

15 Shtator 2016, 07:47, Aktualitet CNA

Mandati i kreut të KQZ-së përfundon në tetor dhe zgjedhjet e Dibrës kanë qenë të fundit për kryetaren e Komisionit Qendror të Zgjedhjeve Lefterie Luzi. Në tetor, ajo do të duhet të dorëzojë mandatin. Për këtë arsye, në ditët në vijim, pritet debat politik, mes PS, PD dhe LSI për të zgjedhur kryetarin e ri. Gjithmonë ka pasur përplasje mes palëve sa i takon kryetarit, i cili është vendimtar për fatin e zgjedhjeve. Sipas të përditshmes Sot kur erdhi në pushtet, mazhoranca vendosi që të mos e shkarkonte Lefterie Luzin, duke e lënë të përfundojë mandatin, i cili sipas afateve mbaron më 18.10.2016. Por sipas ligjit, një muaj para duhet të shpallet vendi vakant nga Kuvendi, që i bie më 18 shtator. Duke qenë se po afrojnë zgjedhjet e 2017, do ketë një betejë të fortë midis palëve politike sa i takon emrit të ri, pasi deri më tani tradita e ka treguar se kreu i KQZ ka pasur rol të fortë në përcaktimin e rezultatit.

Kandidatët e mundshëm për  këtë post janë Genci Gjonçaj,  prej shumë vitesh përfaqësues ligjor i PS në KQZ, Sekretarit të Përgjithshëm i Ministrisë së Brendshme dhe Denar Biba. Ai është aktualisht anëtar i KQZ, teksa nuk përjashtohet mundësia që PS të kërkojë kandidimin e tij për kryetar. Emra të tjerë janë Eridian Salinji apo Ilirjan Celibashi, mirëpo për shkak të angazhimit politik të tyre Kodi nuk i lejon. Megjithë aludimet e Sot nuk përjashtohet edhe mundësia që Luzi të kërkojë të rikandidojë për shkak të pazareve të pas 2013. Kujtojmë që vota e saj u rradhit me PS e LSI, kështu që mazhoranca e ka shumicën në KQZ me Luzin, apo jo. /Citynews.al

 





Lajmet e fundit nga