E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Ekskluzive fjala e Patozit ne mbledhjen e grupit/ Dibra, zgjedhjet dhe opozita

14 Shtator 2016, 20:19, Aktualitet CNA

Citynews ka mundur te siguroje te plote fjalen e ish-nenkryetarit te PD, Astrit Patozi ne mbledhjet e sotme te grupit parlamentar.

Fjala e plote:

Jemi trupa më e larte politike e PD dhe nuk mund të mbetemi peng i Dibrës, analizën e detajuar c?ndodhi atje duhet ta bëjë dega lokale, ajo që ne do bejmë është të marrim një sinjal dhe të japim një mesazh për zgjedhjet e vitit 2017 dhe asgjë tjetër.

Nuk e sollën vetëm problemet tona të brendshme, të cilat qendrojne sic e theksuan shumë nga kolegët, humbjen e thellë në Dibër. Edhe mund të fitonim dhe do të brohorisnim një muaj, por pas 10 muajsh do na ndodhte në zgjedhjet e përgjithshme, ndaj më mirë që i humbem se pamë skemen e tyre.

Të mos harrojmë që ne e mundem PS në Mokër në 2006, ndaj edhe të mos e konsiderojmë gjëmë. Nga ana tjeter, unë nuk mendoj se duhet ta ngrinim steken deri aty në Diber, që ta trajtonim si cështje kombëtare. Por ky gabim u bë tani.

Po dëgjoj këtu për skenarët e daljes nga kriza, që jane qeveria teknike apo pergjigja në te njehten monedhë, pra bandave me banda. I perjashtoj të dyja. Të parën nuk e arrijmë dot. Të dyten nuk duhet ta cojmë ndërmend. Nuk duhet të na shkoj në mend këte se jemi parti vlerash. Por edhe sikur të braktisnim parimet tona dhe ta provonim do të humbnim shumë keq se luajmë ne terrenin e tyre, pas kesaj publiku do thotë se është ceshtje horrash, që u ndeshën mes tyre. Dhe ne nuk na takon ta bëjme këtë gjëme, sepse të pakten të ruajmë kauzën.

Ne jemi të vonuar tek reforma zgjedhore, kemi humbur kohë duke u zvarritur me reformën në drejtësi e ceshtje të tjera, ndërkohë që kjo duhet të ishte fokusi ynë kryesor. Problemet që nxirren në Dibër mund të shërbejnë që të riparojmë dicka deri pas një viti.

Ne duhet të ushtrojmë force dhe presion të përditshëm për Kodin e ri Zgjedhor dhe për një minimum garancish për zgjedhje normale.

Së dyti nuk gjykoj se strukturat do na e zgjidhin hallin e madh. Ato janë problem, dhe duhen riparuar, por kryesorja është fryma. Duhet të merremi me mesazhin e madh politik. Bandat janë në qarkullim, mafia është e forte, por do jetë e shperndarë në gjithë vendin dhe do ta ketë shumë të veshtirë të na munde. Nuk e ben dot në Tirane, Durrës, Shkodër, Vlorë, apo gjetkë atë që bëri në malësinë e Dibrës.

Duhet të promovojmë njerëzit e sprovuar, që nuk janë banditë, por nga ana tjetër nuk frikësohen e rrugë nuk hapin. Ambiguiteti me aleancat zgjedhore, po na dëmton rëndë. Po lamë vend për dyshim, se jemi të te gatshëm të bëjmë krushqi me këdo, japin mesazhin se janë të gjithë njëlloj, atëherë njerëzit e kanë kollaj se rrine me qeverinë. Se nuk kanë pse rrezikojnë. Por qytetarët mund ti marrim me një frymë shprese.

Ne nuk kemi detyre të bëjmë mrekullinë për fitore plebishitare. Misioni ynë është të dalim parti e parë. Po e arritem këte, kurrë mos e bëfshim qeverine, e kemi kryer detyrimin tonë. PD është si Bayerni, po doli e dyta konsiderohet humbje.