web counter
LEXO PA REKLAMA!

SHKARKO APP

App Store
Google Play

E fundit!

x

Kultura e ligjit nuk mund të promovohet me forma antiligjore/ Nga Afrim KRASNIQI

14 Shtator 2016, 14:06, Aktualitet CNA

Sot në mesditë, tri korsitë e autostradës për hyrjen në Tiranë ishin të bllokuara ne pikun e trafikut rreth 1 km përpara mbikalimit tek Casa Italia. Disa dhjetëra automjete ishin të detyruara nga policia të kalonin në një korsi të vetme. Rreth 10 policë, 4-5 automjete policie dhe rreth 20 kamera televizive të instaluara në rrugë ose mbi ndarësen e autostradës. Të gjithë, absolutisht të gjithë, (me perjashtim te shofereve ne trafik) të vendosur në kundërshtim flagrant me rregullat e Kodit Rrugor në RSH.

Fatmiresisht, nuk kishte aksident makine dhe as fatkeqësi natyrore. Nuk kuptohej situata nga policet e qeshur dhe kamerat qe kerkonin ngjarje. Në edicionet e lajmeve mësuam se bëhej fjalë për një vizitë dhe intervistë të inskenuar të Ministrit të Brendshëm në autostradë, me idenë, – ndërgjegjësim për vendosjen e rripit të sigurimit! Ministri ka të drejtë, qytetarët duhen të zbatojnë ligjin që të mbrojnë veten dhe të tjerët. Por vendi i zgjedhur, mënyra e zgjedhur për dhënien e mesazhit: – bllokimi i autostradës, pasojat në kohën e humbur dhe riskun për qindra automjentet e imponuara të qëndrojnë në trafik, mbushja e rrugës dhe e trafik-ndarëses me kamera televizive dhe gazetarë, kanë vetëm një emër: akt pa sens, në kali-se-prapthikundërshtim me Kodin Rrugor dhe legjislacionin mbi të drejtat e njeriut, me risk për të gjithë dhe një akt propagande me efekt të kundërt. Thjesht e qartë: Kultura e ligjit nuk mund të promovohet me forma antiligjore. Siç ndodhi sot në autostradë.

Në të njëjtën paradite, – zyrtarë që ne i paguajmë me taksat tona të shkojnë në zyrë dhe ti shërbejnë vendit e qytetarëve, përfshirë kryeministri, ministra, administrata bashkiake dhe disa dhjetëra nëpunës lokalë të Peshkopisë në pikun e orës së punës nuk ishin në punë, as në zyrë dhe as në detyrën për të cilën paguhen. Ata ishin mbledhur në miting për të festuar, – praktikë e cila sipas legjislacionit tonë duhet të ndodhë jashtë orarit zyrtar të punës. Natyrisht gjëra të tilla të njëjta dhe shpesh edhe më të rënda kanë ndodhur edhe kur të sotmit ishin në opozitë dhe anasjelltas. Problemi është se më 2013 slogan i votës për rotacion ishte premtimi: ?fajin e ka sistemi, ndaj zgjidhja nuk është të ndryshohen njerëzit në krye të sistemit, por do ndryshohet vetë sistemi?. Këto më lart, janë dy detaje domethënëse, se kanë ndryshuar emrat, fytyrat, flamujt, batutat, por sistemi i djeshëm, ai sistemi i korruptuar, i cili sipas të gjatit, ?ka aftësi të korruptojë edhe gjermanin më të ndershëm? ai ka mbetur i njëjtë në mentalitet, në formë, në sjellje, në abuzim, në propagandë, në fjalë, në zhurmë dhe në fuqinë e tij për të sjellë zhgënjim tjetër në vendin që ka më shumë emigrantë në moshë madhore sesa qytetarë brenda tij!





Lajmet e fundit nga