web counter
LEXO PA REKLAMA!

SHKARKO APP

App Store
Google Play

Tahiri: Problem siguria në rrugë/ Shqipëria e pakrahasueshme me Ballkanin

14 Shtator 2016, 13:10, Aktualitet CNA

Ministri i Brendshëm Sajmir Tahiri ka inspektuar në terren punën e policisë rrugore në kuadër të zbatimit të ligjit të ri për masat e sigurisë, i cili rrit gjobat për shoferët që nuk vënë rripin e sigurisë. Ministri i Brendshëm tha se siguria rrugore në vend është problematike dhe se po ndërmerren masa për të minimizuar aksidentet.

?Kemi një problem me sigurinë në rrugë që është i pakrahasueshëm me çdo vend të Ballkanit dhe akoma më shumë të Bashkimit Evropian. Kjo ka të bëjë me të trashëgiminë që kemi gjetur në kuadër të punës së policisë rrugore. Deri dje punonjësit e policisë rrugore suleshin si karkaleca në rrugë për të gjobitur?, theksoi Tahiri.

Në këtë pikë ministri Tahiri tha se zbatimi i ligjit ka të bëjë me garantimin e jetës e shëndetit qytetar.

“Jo në qoftë se nuk e lidh,  je në modë nëse e lidh rripin e sigurimit, jo në qoftë se nuk e lidh, nuk je i fortë në qoftë se nuk e lidh rripin e sigurimit, je vetëm i çmendur që rrezikon jetën tënde dhe të pasagjerëve të tu.Pas një fushate intensive paralajmëruese që zgjati më shumë se një muaj, ne sot kemi filluar fazën e dytë të këtij aksioni që ka të bëjë në thelb me zbatimin e ligjit për të garantuar jetën dhe shëndetin e qytetarëve. Ne jemi të vetëdijshëm se kemi një problem jo të vogël me sigurinë rrugore. Shifrat dhe statistikat na e thonë shumë qartë që duhet ta adresojmë këtë çështje në themel, nga njëra anë duke forcuar masat edukuese për drejtuesit e automjeteve dhe kjo është arsyeja se pse në kurrikulat arsimore ka një pjesë për edukimin e të rinjve për qarkullimin rrugor dhe nga ana tjetër duhet të bëjmë më shumë për të edukuar në rrugë qoftë drejtuesit e mjeteve qoftë këmbësorët?, tha ministri Tahiri. /Citynews.al

 





Lajmet e fundit nga