web counter
LEXO PA REKLAMA!

SHKARKO APP

App Store
Google Play

E fundit!

x

Qeveria pabesi qytetarëve me importin e plehrave

14 Shtator 2016, 12:59, Aktualitet CNA

Rikthimin e neneve të ligjit për importin e plehrave në Shqipëri, për deputeten Mimoza Hafizi është një pabesi e qeverisë ndaj qytetarëve. Në një deklaratë për mediat, Hafizi tha se nenet që  u hodhën poshtë 3 vjet më parë, tashmë po rikthehen përsëri dhe sipas saj kjo demotivon mbledhjen dhe shfrytëzimin e mbeturinave shqiptare.

?Ky projektligj synon lejimin e importit të plehrave në Shqipëri përmes disa neneve që janë hedhur poshtë 3 vite më parë në ligjin e 10 tetorit 2013. Unë i mbetem të gjitha argumenteve me të cilat kjo mazhorancë e ndaloi importin e plehrave tre vjet më parë. Ka një argument të fortë politik, ligji i tre viteve më parë e bëri të pamundur zhvillimin e një referendumi, i cili ishte kërkuar përmes 65 mijë firmave dhe meqe ligji e hodhi poshtë importin e plehrave atëherë referendimi u konsiderua i panevojshëm. Prandaj fakti që ne rikthejmë nenet e ligjit kjo është një pabesi dhe mosbesim që kjo qeveri dhe mazhornacë kërkon të tregojë ndaj qytetarëve?, u shpreh Hafizi.

Deputetetja e PS-së Mimoza Hafizi thotë se importi i plehrave do të demotivojë mbledhjen dhe shfrytëzimin e mbetjeve shqiptare. ?Ne jemi në diskutim edhe me shoqërinë civile, kam bërë një kërkesë në FB që edhe qytetarët të jenë të interesuar. Importi i plehrave prek pasurinë tonë të përbashkët, prek shëndetin e qytetarëve, por edhe demotivon mbledhjen e mbeturinave shqiptare, që nëse mblidhen në mënyrë të zgjuar ato kthehen nga burim pengëse në burim zhvillimi. Nëse kërkojmë të importojmë plehra nga jashtë do demotivojme mbledhjen dhe shfrytëzimin e mbetjeve shqiptare?, tha Hafizi. /Citynews.al





Lajmet e fundit nga