web counter
LEXO PA REKLAMA!

SHKARKO APP

App Store
Google Play

Skandali me trukimet/ Prokuroria në FSHF sekuestron raportin

14 Shtator 2016, 11:21, Aktualitet CNA

Prokuroria e Tiranës ka filluar thellimin e hetimeve për skandalin e trukimeve të hetuar nga UEFA ndaj ekipit korçar të Skënderbeut. Sot në mesditë 2 oficerë të policisë gjyqësore janë paraqitur në zyrat e Federatës Shqiptare të Futbollit duke sekuestruar me urdhër të prokurorit të çështjes raportin që UEFA ka nisur disa javë më parë në FSHF pas përfundimit të hetimeve dhe gjykimit të ekipit korçar të Skënderbeut.

Raporti u përdor nga UEFA dhe më pas CAS, të cilat dënuan ekipin korçar me një vit përjashtim nga kompeticionet europiane, por mediat dhe disa klube të superligës shqiptare kanë kërkuar që korçarët të dënohen edhe për rreth 15 ndeshje të zhvilluara në Shqipëri për kampionatin apo të superligës.

Disa ditë më parë mediat publikuan raportin e UEFA-s dhe deklaruan se ky dokument ishte mbajtur sekret nga FSHF për të ndihmuar ekipin korçar.

Me firmën e Ndini Tavanit, i cili ka firmosur edhe shkresën e sekuestrimit të dokumentave tashmë prokuroria e Tiranës ka në dorë dokumentin dhe pritet që shumë shpejt të mësohet a do të ngrejë një akuzë prokuroria për trukimet në superligë, ku korrupsioni në sportin shqiptar shkon përtej Skënderbeut dhe përfshin shumë ekipe.

Burime nga prokuroria thanë për Citynews se raporti pritet të përkthehet, pasi ai është zyrtar dhe anglisht.

Vetëm pas përkthimit do të fillojë shqyrtimi i të dhënave për të nxjerrë përfundim a do të ketë një akuzë nga prokuroria, apo jo për trukimet në superligën shqiptare. /Citynews.al





Lajmet e fundit nga