web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot MYFTARAJ/Plarent Ndreca, polici me master të UET, “reformatori” i arsimit shqiptar

14 Shtator 2016, 07:21, Aktualitet CNA

Është i njohur pasioni i Kryeministrit Rama ka një pasion të madh për t? i zgjidhur me metoda policore të gjitha çështjet e rëndësishme. Por nuk mund të imagjinohej që një Kryeministër i cili ka qenë pedagog universitar, të kishte në qeverinë e tij, si personin kyç të reformës arsimore një? polic. Me ardhjen e Ramës në pushtet, sekretar i përgjithshëm i Ministrisë së Arsimit, domethënë zyrtari kryesor teknik i ministrisë, u emërua Plarent Ndreca, ish-oficer policie. Z. Ndreca, si të vetmen eksperiencë pune shtetërore ka atë si oficer Policie, në fillim si oficer i Policisë Elektrike dhe më pas si oficer i Policisë Gjyqësore pranë Prokurorisë së Tiranës. Në 2007, fill pas hapjes së Universitetit të Henri Çilit, z. Ndreca shkoi të merrte një master atje. Mund të imagjinohet se çfarë niveli kishin masterat e Çilit, veçanërisht në atë kohë.

Pas largimit nga Policia, z. Ndreca punoi si avokat penalist. Ai ka qenë avokati i babait të Ministrit të sotëm të Punëve të Brendshme, Saimir Tahiri, në çështjen e kontrabandës së ilaçeve. Avokat i Elvis Rroshit kryebashkiaku i Kavajës i cili qëndron në arrest shtepise i akuzuar si i dënuar për krime në Itali.

Për herë të parë në historinë e shtetit shqiptar, një zyrtar i lartë i Ministrisë së Arsimit, ka bërë njëkohësisht me këtë detyrë edhe atë të avokatit të kriminelëve.

Një oficer policie i cili ka punuar për disa kohë si avokat penalist, qoftë edhe me diplomë juristi, nuk mund të quhet ekspert, teknicien i legjislacionit arsimor. Për këtë duhet një jurist që të jetë ekspert i fushës. Është qesharake që të dalë ish-polici Ndreca dhe të bëjë avokatin mediatik të qeverisë për reformën arsimore, ose më saktë të deformimit që po i bën arsimit Qeveria ?Rama? në këto tre vjet.

Ish-polici Ndreca, detyrën e tij si reformator arsimor rilindas pink, me sa duket e kupton si detyrë policore, gjë që u kuptua me rastin e zbatimit nga Ministria e Arsimit të formulës së re për pranimin e maturantëve në universitete, kur Ndreca doli publikisht u shfaq publikisht duke bërë presion dhe duke fyer maturantët.

Ish-polici reformator arsimor, Ndreca është bërë bodyguard i interesave të Henri Çilit në Ministrinë e Arsimit, duke u kujdesur që të përfshihen në projekt-ligjet dhe udhëzimet e Ministrisë të kihen parasysh interesat e Henri Çilit.

Të gjitha aktet e tilla zyrtare në dobi të Henri Çilit, përbëjnë një çështje me të cilën duhet të merret Byroja Kombëtare e Hetimeve, për të ndëshkuar një abuzim të qartë me pushtetin në dobi të interesave private selektive.   Shkruar per CityNEWS





Lajmet e fundit nga