E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Meta takon Fiona Mcilwham

13 Shtator 2016, 18:37, Aktualitet CNA

Kryetari i Kuvendit z. Ilir Meta takoi Shefen e Departamentit për Ballkanin Perëndimor dhe Zgjerimin në Ministrinë e Jashtme Britanike, znj. Fiona Mcilwham

Gjatë vizitës së tij zyrtare në Londër, Kryetari i Kuvendit z. Ilir Meta zhvilloi një takim me Shefen e Departamentit për Ballkanin Perëndimor dhe Zgjerimin në Ministrinë e Jashtme Britanike, ish-Ambasadoren Britanike në Shqipëri, znj. Fiona Mcilwham.

Kryetari i Kuvendit z. Meta vlerësoi bashkëpunimin e ngushtë me Britaninë e Madhe në fushat e drejtësisë, sigurisë, antiterrorizmit, luftës kundër krimit të organizuar dhe korrupsionit, duke theksuar se Shqipëria mbështetet tek partneriteti me Britaninë e Madhe për zhvillimin e saj demokratik dhe ekonomik në të ardhmen.

Znj. Fiona Mcilwham vlerësoi bashkëpunimin e mirë bilateral dhe nënvizoi se rritja e shkëmbimeve politike kontribuon në rritjen e cilësisë së marrëdhënieve mes dy vendeve.

Znj. Mcilwham u shpreh se reforma në drejtësi është një projekt ambicioz dhe tepër i nevojshëm për kredibilitetin e Shqipërisë në botë, dhe theksoi se suksesi i zbatimit të saj është i rëndësishëm edhe për progresin e axhendës së reformave të tjera të rëndësishme për të ardhmen.

Në përfundim, duke diskutuar mbi zhvillimet e fundit në rajonin e Ballkanit, z. Meta u shpreh se Shqipëria po punon ngushtë me të gjithë fqinjët e saj për të konsoliduar integrimin rajonal dhe në funksion të konsolidimit të axhendës euro-atlantike të të gjithë rajonit.

Ndërkaq, gjatë vizitës së tij në Londër, Kryetari i Kuvendit, z. Ilir Meta dhe delegacioni që e shoqëron atë ishin të ftuar në një drekë pune me anëtarë nga të dy dhomat e Parlamentit britanik. Të pranishëm ishin Lord McNally, Lord Harrison, Deputetët Lisa Cameron dhe Wayne David si dhe Kryetari i Komisionit të Brendshëm, Tim Loughton.

Gjatë drekës u diskutua u diskutua mbi reformën në drejtësi, marrëdhëniet bilaterale, forcimi i bashkëpunimit mes Shqipërisë dhe Britanisë së Madhe. Gjithashtu, u vlerësua krijimi i Grupit Parlamentar të Miqësisë me Shqipërinë në Parlamentin Britanik, i cili do të drejtohet prej Deputetes Madeleine Moon dhe Lord Bowness.