web counter
LEXO PA REKLAMA!

SHKARKO APP

App Store
Google Play

E fundit!

x

Bandat e drogës kthejnë Shqipërinë në Kolumbi

13 Shtator 2016, 13:44, Aktualitet CNA

Dibra ishte në qendër të debateve mes mazhorancës dhe opozitës në Komisionin Parlamentar të Ligjeve dhe atij të Sigurisë, jo më shumë për rezulatin e zgjedhjeve të 11 shatorit sa për situatën e kultivimit të bimëve narkotike. Flamur Noka dhe Arben Ristani që u angazhuan në  betejën elektorale për Bashkinë, thanë se në atë zonë si në gjithë Shqipërine sundon karteli i krimit. Por socialistët ironizuan, duke theksuar se opozita po gjen alibitë për t?iu shmangur përgjegjësisë së humbjes në Dibër.

?Kokë e këmbë në bashkëpunim me bandat e drogës e keni kthyer Shqipërinë në Kolumbi dhe turp t?ju vijë për gjendjen në të cilën e keni katandisur vendin?, tha Ristani.

Ndërsa Flamur Noka u shpreh: ?Shefi i komisariatit të Dibrës, Robert Aga, është marrë vetë me mbjelljen në fshatin e tij, 12 dynym të mbjella me hashash. I kam parë vetë, nuk kam nevojë me më thënë të tjerët.Dhe kishte lënë një punonjës policie të armatosur që e ruante. E korri të nesërmen që shkova dhe e pashë unë.E korri.Kontributi kryesor i këtyre policëve e di cili është apo jo, përveç mbjelljes, vaditjes dhe korrjes, është vjelja e taksës, 30%?.

Zëvendës/Ministri i Brendshëm, Stefan Çipa, i cili mbrojti ndryshimet në ligj, shmangu debatin politik, duke iu përgjigjur opozitës me disa të dhëna.

?Në kohën tuaj prerja e kanabisit ishte 7.3%, asgjesimi. Viti 2015, sepse jemi duke u ndeshur në 2016, vazhdojmë, ka qenë 99.6%?, tha ai. /Citynews.al





Lajmet e fundit nga