web counter
LEXO PA REKLAMA!

SHKARKO APP

App Store
Google Play

E fundit!

x

Studentja ekselente sfidon Nikollën: Jam ekselente, por nuk fitova mjekësi

13 Shtator 2016, 11:05, Aktualitet CNA

Ministrja e Arsimit dhe Sporteve, Lindita Nikolla është përballur sot me maturantët e ekselencës ku ndërmjet tyre ka nga ata që nuk kanë fituar degën që duan.

Dy gjimnaziste me rezultate shumë të mira, njëra nga Laçi dhe tjetra nga Dibra thanë se nuk kanë fituar degët e dëshiruara në Mjekësi, por ministrja iu kujtoi se për to do kishte një shans të dytë.

?Unë jam një maturante nga Laçi. Dhe në tre vite kam zgjedhur lëndët më të vështira, Matematikë e Avancuar dhe Fizikë e Avancuar, por nuk munda të fitoj degën që dëshiroja, në Mjekësi?, shprehet studentja ekselente.

?Në Mjekësi janë rankuar sipas meritës, mbi ty s?ka rast të jetë një student i rankuar me një notë më të ulët. Ti shumë mirë ke bërë që ke studiuar Matematikë të Avancuar?, shprehrt ministrja Nikolla.

?Jam një maturante nga Dibra, kam 3 vite që kam studiuar ëndrra ime është Mjekësia dhe Farmacia. Kam fituar Drejtësi dhe Infermieri, Më duket shumë pak për mesataren që kam!?, shprehet gjimnazistja ekselente.

?Ke fituar dy preferenca, ke ende mundësinë për të fituar. Numri i kuotave do rishikohet. Nëse viza zbret në Mjekësi dhe ti je një nga maturantët më mesatare të lartë je ende në garë. Sistemi edhe pse ke fituar ende të lë në garë?, shprehet ministrja.

?Jam nga Elbasani; kam fituar të gjitha degët, por kam miq që si kanë fituar ato që donin. Nuk mendoni që jemi penalizuar pasi sistemi ndryshoi në vitin e fundit?, shprehet një tjetëer maturante ekselente.

?Deri në fund do jetë ulur viza në universitet. Ju ekselentët jeni ata që qartësoni rezultatin. Asnjë rregull nuk ka ndryshuar në mes të lojës. Unë ju siguroj që janë bërë të gjitha projeksionet, analizat që nga ky ssitem askush nuk penalizohet.. Pa krijuar iluzion të presim rezultatin e universiteteve. Do bëjmë gjithçka që kjo skemë të mos ketë asnjë penalitet?, tha ministrja e arsimit Nikolla.

 





Lajmet e fundit nga