Karteli i drogës dhe kartela sorosiane e Bashës/ Nga Kastriot Myftaraj

14 Shtator 2016, 18:28, Aktualitet CNA

Kryetari i PD-së Lulzim Basha pranoi humbjen në zgjedhjet në Dibër, por fajin ia la atij që e quajti karteli i drogës, i cili në bashkëpunim me Edi Ramën kishte blerë votat në Dibër. Është për t? u çuditur se përse Basha nuk e përdori këtë formulë edhe për humbjen e zgjedhjeve vendore në të gjithë Shqipërinë, në 2015. Sepse karteli ishte edhe atëherë në veprim gjithandej Shqipërisë, me aeroplanët e trafikut të drogës që ngriheshin e uleshin në numër të madh gjithandej vendit, veçanërisht në 2014. Në atë kohë Basha nuk e denoncoi kartelin sepse i mërzitej Sorosi. Sepse karteli për të cilin flet Basha, është kartel sorosian.
Kartel: një marrëveshje mes disa subjekteve që operojnë në një fushë të caktuar si prodhues, furnizues etj., me qëllim për të shmangur rivalët, konkurencën, dhe për të mbajtur çmimet e larta.
Në Shqipëri tashmë është krijuar vërtet një kartel i tillë i drogës, i cili është i vetëm dhe nuk ka rival (në Kolumbi p.sh. kishte disa kartele të drogës) prandaj në rastin e Shqipërisë kjo fjalë, ?kartel? meriton të shkruhet me ?k? të madhe, ?Kartel?.
Si shpjegohet që ekzistenca e Kartelit është një sekret publik në Shqipëri, atë e di Basha, e di edhe fshatari më i fundit në vend, por për të heshtin ambasadorët e huaj në Shqipëri, ata të cilët nuk përtojnë të flasin publikisht kur kanë diçka për të thënë, ai amerikan, ajo e Bashkimit Europian, ai gjerman, ai italian etj. Kësaj pyetjeje ishte dashur t? i përgjigjej Basha. Por Basha hesht për këtë çështje.
Basha hesht sepse ai e di shumë mirë shkakun e heshtjes së ambasadorëve. Ambasadorët heshtin sepse Karteli në Shqipëri u krijua me bekimin dhe mbrojtjen e Sorosit. Sorosi është lobisti i Kartelit në Washington. Prandaj ambasadorët bëjnë kinse nuk e shohin ekzistencën e Kartelit.
Basha hesht për çështjen kryesore që ka të bëjë me Kartelin, sepse Basha është një politikan me kartelë sorosiane. Basha është një struc sorosian i cili flet ndërsa e ka zhytur kokën në rërë, duke refuzuar të shprehë realitetin në fjalë të sakta. Realiteti është se nuk ka kuptim që një opozitë politike të ndeshet politikisht me një koalicion qeverisës që ka bërë aleancë me Kartelin. Sepse kjo do të thotë që opozita të bëjë lojën e Kartelit dhe të krahut politik të tij, duke pranuar të bëhet pjesë e dekoracionit të demokracisë të rreme në vend. Dhe duke luajtur këtë rol, PD, nga zgjedhjet e ardhshme të vitit 2017, do të dalë si partia e tretë në vend. Në 2021 do të përfundojë si parti e vogël, dhe siç dihet shumë parti të vogla janë zhdukur fare.
Në ndërkohë Karteli do të sajojë një tjetër parti relativisht të madhe opozitare dhe do ta pompojë atë, për të ruajtur dekoracionin e demokracisë. Karteli do ta sofistikojë lojën aq sa të blerë vota nga shqiptarët e zhgënjyer, jo vetëm për partitë e koalicionit qeverisës, por edhe për opozitën e krijuar prej tij. Por kjo do të jetë një opozitë e cila nuk do të përmendë ekzistencën e Kartelit, nuk do ta denoncojë atë. Kjo opozitë do të flasë për luftën kundër drogës, por pa përmendur Kartelin. Partia që përmendi Kartelin duhet të ndëshkohet nga vota ?popullore? deri kur të zhduket fare, qetësisht, ?demokratikisht?.
Çfarë mund të bënte Basha në këtë situatë, do të thoni. Historia na mëson se të pafuqishmit të cilët ndeshen me forca shumë superiore që rrinë në errësirë, kanë një armë fatale që mund ta përdorin kundër tyre, dritën, domethënë t? i ndriçojnë këto forca kundërshtare, t? i bëjnë të dukshme, t? i shfaqin në dritë. Basha mund të denoncojë me guxim pjesën e errët të tablosë, atë ku veç Kartelit dhe politikanëve të lidhur me të, rrinë në hije të heshtur edhe mbrojtësit ndërkombëtarë të Kartelit. Kjo do të përbënte lajm ndërkombëtar dhe opozitës shqiptare i duhet pikërisht diçka e tillë, si pikënisje për t? u ringritur. Sepse Karteli përbën një problem real për Europën, ku shkon droga e tij, dhe nëse denoncohen mbrojtësit tejatlantikas të Kartelit do të vihen në lëvizje disa forca në Europë që do të shkaktojnë fundin e Kartelit dhe partneritetit të tij me Edi Ramën. Por kjo sfidë kërkon një tjetër lloj burri, të ndryshëm nga struci sorosian që është në krye të PD-së.