web counter
LEXO PA REKLAMA!

SHKARKO APP

App Store
Google Play

E fundit!

x

KVV: Kreu i ri i KQZ të jetë jashtë politikës

15 Shtator 2016, 07:32, Aktualitet CNA

Koalicioni i Vëzhguesve Vendorë ka bërë thirrje që të nisë puna për zgjedhjen e kreut të ri të KQZ. Përmes një letre drejtuar krerëve të tre partive kryesore, PS-LSI-PD dhe për dijeni të Presidentit dhe partive të tjera politike, ata kanë kërkuar që të bëhet zgjedhja e kreut të ri. ?Sipas Kodit Zgjedhor, mandati 4 vjeçar i Kryetarit të Komisionit Qendror të Zgjedhjeve aktual mbaron me datë 18.10.2016. Për këtë arsye, Kuvendi i Republikës së Shqipërisë, jo më vonë se data 18 shtator 2016, duhet të shpallë vakancën dhe të bëjë thirrjen e hapur për dorëzimin e aplikimeve prej të gjithë kandidatëve të interesuar. Koalicioni i Vëzhguesve Vendorë, edhe përpara procesit të emërimit të Kryetares aktuale të KQZ-së, me anë të një Letre të Hapur i ka bërë thirrje drejtuesve politikë dhe të grupeve parlamentare për një proces përzgjedhje të kandidaturave sa më transparent dhe jashtë ndërhyrjeve politik?, ka thënë ky koalicion.

Në letër theksohet se kreu i KQZ është vendimtar në marrjen e vendimeve dhe prandaj ai nuk duhet që të jetë i ndikuar politikisht. ?Kjo për shkakun se kryetari i kësaj trupe është jo vetëm votë përcaktues në vendimmarrjen e institucionit, por, si titullari i tij, është ai që dikton frymën dhe qasjen e gjithë institucionit ndaj përmbushjes së detyrimeve ligjore dhe një performancë sa më të lartë në arritjen e standardeve më të mira europiane?, është theksuar në letër. /Citynews.al





Lajmet e fundit nga