E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Maturantët në ditë të zeza/ Ku ka “humbur” deputetja e LSI Kejdi Mehmetaj, me gjithë LRI-në?

8 Shtator 2016, 09:18, Aktualitet CNA

Kejdi Mehmetaj është e vetmja deputete në parlamentin shqiptar që realisht jo vetëm për moshën, por edhe problematikat që ka ngritur, përfaqëson të rinjtë shqiptar. Edhe në fjalimin e saj të parë nga foltorja e Kuvendit, mes emocionesh të kuptueshme, ajo ngriti zërin në mbrojtje të eksperimenteve që po bënte Ministria e Arsimit me Maturën Shtetërore, eksperimente këto që këto ditë kanë plasur si një mega skandal.

Janë mijëra e mijëra maturantë, të cilëve ju hiqet e drejta e arsimit të lartë, edhe në rastet kur ata kanë dalë me rezultate të shkëlqyera në gjimnaz. Tashmë është zbërthyer skema që ka përdorur Ministria e Arsimit, në favor të Universiteteve private dhe sekserëve në Universitetin Publik.

Por pikërisht në këto ditë të zeza për këta mijëra të rinj, e vetmja deputete që pretendon se i përfaqëson fort në parlament, është ?zhdukur pa gjurmë?. Por jo vetëm Kejdi Mehmetaj, nuk ka lëshuar gjysmë fjale këto ditë për këtë çështje madhore të rinisë shqiptare, por as Lëvizja Rinore Socialiste për Integrim, e cila mbështetet fuqimisht nga gjimnazistët dhe studentët.

Mos kanë ?ngecur? në Jalë, edhe në këto ditë shiu dhe problemesh për rininë shqiptare, apo janë kthyer dhe po pushojnë pas punës intensive buzë detit Jon dhe nën hijen e ullishteve?

Gjithsesi Mehmetaj, edhe nëse është urdhëruar ?nga lart? që të mos përzihet në këtë çështje, ka detyrim të deklarohet në krah të kujt është në këtë situatë, të maturantëve apo ministres Nikolla.

Kjo për integritetin e saj personal në radhë të parë, por dhe si ligjvënëse, sepse është pikërisht kjo deputete gati moshatare me këta maturantë të dëshpëruar, e cila në muajin shkurt të vitit 2014, pikërisht për këtë problem kërkoi interpelancë, me ministren e Arsimit Lindita Nikolla.

?Në emër të grupit parlamentar të Lëvizjes Socialiste për Integrim, por edhe të të gjithë maturantëve shqiptarë, bëra publik nga foltorja e parlamentit një ndër shqetësimet më të mëdha të sistemit arsimor në vend: ?Maturën Shtetërore?. Përgjatë këtyre javëve ne kemi zhvilluar shumë takime dhe tryeza mbi këtë problematikë, me gjimnazistë, prindër, mësues, pedagogë dhe ekspertë të arsimit.

Ajo që qartazi u kuptua nga këto takime ishte se maturantët, vit pas viti, bëhen viktima eksperimentesh të Ministrisë së Arsimit dhe udhëzimeve që mbivendosin njëri-tjetrin. Maturantët përveçse nuk kanë qartësi mbi procesin në të cilin duhet të kalojnë, hasin vështirësi të shumta, që ndër të tjera cenojnë edhe të drejtat e tyre si qytetarë të shtetit shqiptarë: mungesën e barazisë, transparencës dhe cilësisë. Janë të shumta dhe të pafundme shqetësimet që ngrihen nga gjimnazistët dhe ekspertët?, deklaronte atëherë Mehmetaj.

Nga fjalët e deputetes së re, duket qartë se ajo që po ndodh sot është paralajmëruar prej saj më shumë se dy vjet më përpara. Dihet që ajo ka bërë sa ka mundur dhe përpjekje për ta shmangur në kohë këtë që po ndodh sot. Pavarësisht se nuk ja ka arritur, duhet përgëzuar.

Por është e pakuptimtë, e pa justifikueshme heshtja e saj dhe LRI-së, pikërisht sot. kur ata mijëra maturant që i ka zënë halli më i madh që mund të ketë një i ri, arsimimi, kërkojnë në mos një zgjidhje, përkrahje sepse në fund të fundit kanë të drejtë.

Edhe Miranda Rira, kryetarja e bashkisë së Rogozhinës, e LSI-së është. Por si pedagoge në radhë të parë, u pozicionua hapur dhe ashpër kundër katrahurës që ka gatuar Lindita Nikolla me arsimin e lartë.

Prandaj Kejdi, Endrit Brahimllari dhe të tjerë, nëse e kanë gjuhën të lidhur për të folur në emër të LSI-së, mund të dalin përkrah maturantëve, në emër të rinisë së tyre dhe atyre mijëra gjimnazistëve dhe studentëve, që u besojnë gati verbërisht./Syri.Net