web counter
LEXO PA REKLAMA!

SHKARKO APP

App Store
Google Play

E fundit!

x

Ministrja e Integrimit znj. Klajda Gjosha, së bashku me të rinjtë e qytetit të Pogradecit mori pjesë në disa aktivitete në shërbim të komunitetit

6 Shtator 2016, 19:15, Aktualitet CNA

Në kuadër të 12-vjetorit të themelimit të Lëvizjes Socialiste për Integrim, Ministrja e Integrimit znj. Klajda Gjosha, njëherësh anëtare e Kryesisë së LSI-së së bashku me të rinjtë e qytetit të Pogradecit mori pjesë në disa aktivitete në shërbim të komunitetit. Pas përfundimit të punës dhe bashkëbisedimit me të rinjtë, duke u prononcuar për mediat Ministrja e Integrimit Klajda Gjosha tha se “LSI rritet çdo ditë. Në këtë përvjetor të 12 ne dimë si të festojmë me më shumë përgjegjësi sociale, me më shumë angazhim për vendin”.

“Unë ju falenderoj për kontributin sepse vetëm falë jush LSI është ajo që është sot. Sot kjo parti mbush 12 vjeç,por ne të gjithë bashkë duhet të punojmë që ta rrisim më shumë”,tha Ministrja Gjosha.

Qindra të rinj e qytetarë u angazhuan në këtë aksion, ndërkohë që gjatë fundjavës u bë i mundur rikonstruksioni i kopshtit të fëmijëve të fshatit Grunjaz.

Kryetari i LSI-së për rrethin e Pogradecit, z. Genti Çala u shpreh se kërkon shumë punë të rritesh si forcë politike dhe LSI është sot pikërisht në këtë moment të rëndësishëm. “Kjo duhet të na bëjë që duke reflektuar të vijojmë  me angazhimin tonë edhe në fushatën e ardhshme që Pogradeci të jetë një nga qytetet me rritjen më të madhe të LSI”,tha Kryetari i LSI-së së këtij qyteti.





Lajmet e fundit nga