web counter
LEXO PA REKLAMA!

SHKARKO APP

App Store
Google Play

E fundit!

x

Meta: Lëvizja e të rinjve vendimtare që shteti të bëjë më mirë punën e tij

6 Shtator 2016, 13:19, Aktualitet CNA

Lëvizja Socialiste për Integrim me rastin e 12-vjetorit të themelimit të saj organizoi në të gjithë vendin një sërë aktivitetesh në shërbim të komunitetit dhe të shtresave në nevojë nën moton ?Përgjegjësi Sociale??

Kryetari i Lëvizjes Socialiste për Integrim, Ilir Meta mori pjesë në aktivitetin e organizuar në shkollën 9-vjeçare të zonës ?Farkë e Vogël?,në Tiranë, ku të rinj dhe të reja të LRI ndihmuan për sistemin e ambienteve për të mirëpritur fëmijët në vitin e ri shkollor.

Kryetari i LSI-së Ilir Meta shprehu kënaqësinë për angazhimin e të rinjve dhe të rejave, por edhe të gjithë anëtarëve të LSI në shërbim të komunitetit anembanë vendit, jo vetëm sot, por në vijimësi.

?Ky është shërbimi më i mirë që një forcë politike mund t?i bëjë jo vetëm vetes së saj, por në radhë të parë vendit dhe qytetarëve që të japë shembullin e përkushtimit për të ndihmuar, për të mbështetur, për të përmirësuar çdo standard të vendit. Ky është një kontribut sado modest në përgjithësi për të ndryshuar vendin, por mbi të gjitha për të ndryshuar një mendësi shkatërrimtare e cila ka të bëjë me atë frymë edhe njëherë individualiste që askush nuk kërkon të marrë një iniciativë për të ndryshuar diçka, aq më tepër të bashkohet me të tjerët për këtë qëllim. Por të gjithë presin gjithmonë vetëm nga shteti dhe jo nga institucionet shtetërore. Unë mendoj se pjesëmarrja aktive e të rinjve dhe e të rejave, e vetë forcave ndryshuese në një komunitet është vendimtare për të vënë në një lëvizje akoma edhe më të fortë edhe vetë institucionet shtetërore për të bërë më mirë detyrat e tyre?, tha kreu i LSI-së Ilir Meta.

Nën moton ?Përgjegjësi Sociale?? LSI ka zhvilluar aktivitete të tilla edhe në Lushnje dhe Fier , ku ishte i pranishëm edhe nënkryetari i Lëvizjes Socialiste për Integrim, Petrit Vasili, i cili vlerësoi se LSI është pranë njerëzve të thjeshtë. Duke e konsideruar  përgjegjësinë sociale si detyrim të vazhdueshëm të LSI,  Vasili theksoi se veprimet e thjeshta flasin më shumë se politikat e zhurmshme.

?Lëvizja Socialiste për Integrim është pranë njerëzve të thjeshtë. Përgjegjësia sociale është detyrimi ynë i vazhdueshëm. Mendoj se veprimet e thjeshta flasin më shumë se politikat e zhurmshme. Solidariteti ynë njerëzor është pranë qytetarëve të thjeshtë. Besoj se çdo ditë mund të bëjmë diçka për shtresat në nevojë?, tha z. Vasili.

Gjithashtu sekretari i Përgjithshëm i LSI-së, Luan Rama mori pjesë në aktivitet e shumta sociale në Berat, sëbashku me anëtarë dhe mbështetës të shumtë të LSI dhe të LRI.

Duke vlerësuar aksionin e Lëvizjes Rinore për Integrim për pastrimin e Kalasë së Beratit, Rama u shpreh se LSI është në shërbim të komunitetit.

?Në Berat, ashtu sikurse në të gjithë Shqipërinë, Lëvizja Socialiste për Integrim është në shërbim të komunitetit. Dita e LSI-së është në shërbim të komunitetit. Solidariteti dhe humanizmi është themeli i vlerave të LSI-së?, u shpreh z. Luan Rama. /Citynews.al





Lajmet e fundit nga