web counter
LEXO PA REKLAMA!

SHKARKO APP

App Store
Google Play

Meta: Duhet politikë e përgjegjshme, s’ka demokraci funksionale/ LSI, komuniteti motoja e saj

6 Shtator 2016, 10:16, Aktualitet CNA

Kryetari i Lëvizjes Socialiste për Integrim Ilir Meta në një rrëfim ekskluziv për Ora News, i bën thirrje politikës që të rikthejë besimin tek qytetarët duke qenë më e përgjegjshme dhe llogaridhënëse me institucione të qëndrueshme në shërbim të qytetarëve. ?Duhet të përqëndrohemi më shumë tek burimet që ka vendi ynë. Është koha kur vendi ka nevojë për institucione të qëndrueshme. Është koha kur vendi ka nevojë për politikë të hapur, të përgjegjshme dhe llogaridhënëse. Të kthehet besimi tek politika ose ajo të largohet nga qytetarët. Vendi ka pësuar shumë ndryshime, por të pamjaftueshme për demokraci funksionale. Nuk qëndron e keqja tek politika, por tek lloji i saj?, tha Meta.

Në 12 vjetorin e themelimit të LSI-së, kryetari i kësaj force politike Ilir Meta tregon si u krijua, ndikimin, arritjet dhe projeksionet e kësaj partie. Ilir Meta gjatë komunikimit të tij publik tha se ?6 shtatori 2004 është dita e formalizimit të një inisiative, pikënisje me rëndësi për LSI-në?. Kreu i LSI-së vuri në dukje se forca që ai drejton është mjaft e lidhur me komunitetin dhe kjo është motoja e saj sot, përmes filoofisë së mesazhit pozitiv.

Në rrëfimin e tij kreu i LSI-së theksoi se largimi nga PS nuk ka patur lidhje me ambicjet e tij për pushtet. Meta gjithashtu thotë se nuk i takon LSI-së faturra për daljen e PS-së në opozitë. ?Nuk kam patur qëllim në vetvete të jem kryetar i PS-së apo kryeministër. Nuk besoj se është fajtore LSI që e majta doli në opozitë. Përmes LSI dhamë mundësi që të angazhohen shumë ish-anëtarë të PS-së?, theksoi Meta.

Lidhur me krijimin dhe arritjet e LSI si forcë politike Meta shprehet se kjo forcë e ka treguar veten që në fillim me gjithë sfidat që i ka rezervuar sistemi zgjedhor.

?LSI ka kaluar sfida të pamerituara për shkak të sistemit zgjedhor. 8 muaj pas krijimit të saj ka marrë 120 mijë vota. Po të mos ishte bërë ?dushku? LSi nuk do të të kishte marrë 5 por 12 deputetë?, shprehet Meta. /Citynews.al

 





Lajmet e fundit nga