web counter
LEXO PA REKLAMA!

SHKARKO APP

App Store
Google Play

E fundit!

x

KQZ: Nis trajnimi për anëtarët e komisioneve të QV-ve dhe ZAZ-ve për zgjedhjet e pjesshme në Dibër

6 Shtator 2016, 07:55, Aktualitet CNA

Komisioni Qëndror i Zgjedhjeve ka lajmëruar nisjen e trajnimit për anëtarët e komisioneve të Qendrave të votimit dhe të ZAZ-ve për zgjedhjet e pjesshme në Dibër, më 11 shtator. Zëdhënësja e KQ-së Drilona Hoxhaj bëri të ditur në një konferencë për shtyp se nisin sesionet e trajnimit për anëtarët e 118 komisioneve të QV-ve dhe 16 ZAZ-ve. ?Komisioni Qendror i Zgjedhjeve, në zbatim të detyrimeve të përcaktuara në nenin 21, pika 9 e Kodit Zgjedhor, për zgjedhjet e pjesshme për kryetar të bashkisë Dibër, të datës 11 shtator 2016, do të kryejë sesione trajnimi për anëtarët e 118 Komisioneve të Qendrave të Votimit dhe 16 Grupeve të Numërimit të Votave të ZAZ-së nr.19?, thuhet në deklaratën e KQZ.

Këto sesione trajnimi do të zhvillohen me 7-9 shtator në Peshkopi. ?Sesionet e trajnimit të anëtarëve të Komisionerëve të QV-ve do të zhvillohen në datat 7-9 shtator 2016, në Bashkinë Peshkopi dhe në 10 njësi administrative, në ambientet e shkollave, të vëna në dispozicion nga DAR Dibër. Oraret e sesioneve të trajnimit janë; paraditë pra 09.00- 13.00, dhe pasdite nga ora 14.00- 18.00.  Zhvillimi i sesioneve të trajnimit disa ditë para ditës së zgjedhjeve, dhe  përzgjedhja e fshatrave-qendër për njësitë administrative të largëta,  synojnë efektshmërinë e trajnimit të komisionerëve dhe shmangien e pengesave për pjesëmarrje?, deklaroi Hoxha në konferencën për shtyp.

Hoxhaj kërkoi nga partite politike që marrin pjesë në zgjedhje që të kryejnë njoftimet për komisionerët. ?Në funksion të mbarëvajtjes të proçesit zgjedhor, ku padyshim profesionalizmi i komisionerëve zgjedhorë është i një rëndësie të veçantë, dhe detyrim ligjor, KQZ i kërkon partive politike të kryejë njoftimet për burimet njerëzore të emëruar sipas propozimeve të tyre për komisionerë të Komisioneve të Qendrave të Votimit dhe anëtarë të Grupeve të Numërimit të Votave, për të marrë pjesë në trajnim në respektim të përcaktimeve të skemës së trajnimit, e cila i?u është dërguar edhe në rrugë zyrtare.

Skema e trajnimit do të jetë jetë e publikuar edhe në faqen zyrtare te internetit të KQZ-së?, tha Hoxhaj.

Hoxhaj bëri të ditur se Trajnimi i Grupve të Numërimit të Votave do të bëhet ditën e shtunë, datë 10 Shtator, në ambientet e Shkollës së Mesme Profesionale ?Nazmi Rushiti?, Peshkopi, në oraret 9:00-13:00, dhe 14:30-18:00. /Citynews.al





Lajmet e fundit nga