web counter
LEXO PA REKLAMA!

SHKARKO APP

App Store
Google Play

Kanos komshien, bie në pranga

6 Shtator 2016, 08:40, Aktualitet CNA

Specialistët për Krimet në Komisariatin e Policisë Shijak, pas një hetimi intensiv dhe të pandërprerë kanë zbuluar dhe dokumentuar një ngjarje pa kaluar 24 orë, duke bërë të mundur ndalimin e autorit të dyshuar,  konkretisht shtetasin Blerim Tuda 29 vjeç, banues në Shetel, Shijak.

Ndalimi i tij u bë pasi Tuda, më datë 04.09.2016, në fshatin Shetel, Shijak, për motive të dobëta ka kanosur me fjalë shtetasen D.D. 60 vjeçe, banuese në Shetel, Shijak.

Në vijim autori ka shkuar në banesë, ka marrë një automatik dhe në rrugë ka qëlluar me armë zjarri tip  automatik disa herë në ajër.

Me të marrë njoftim menjëherë në vendngjarje kanë shkuar Efektivat e Policisë, të cilët kanë kqyrur vendin e ngjarjes, mbledhur provat materiale, identifikimin dhe kapjen e autorit të ngjarjes.

Gjatë kqyrjes së vendit të ngjarjes janë gjetur dhe sekuestruar në cilësinë e provës material, 13 gëzhoja  dhe një fishek automatiku model 56 kalibër 7.62 mm. Po punohet për gjetjen e armës së zjarrit. Autori është person me precedentë penalë të mëparshëm.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Kanosja”, “Prodhimi dhe mbajtja pa leje e armëve luftarake dhe e municionit”dhe”Prishja e qetësisë publike” parashikuar në  nenet 84, 278 dhe 274 të Kodit Penal. /Citynews.al

 





Lajmet e fundit nga