Shoqata e Katarit dhuron 122 mirë euro mjete shkollore për 950 jetimë/ Klosi: Nisa të tilla mesazh i fortë solidariteti

6 Shtator 2016, 14:15, Aktualitet CNA

Ministri i Mirëqënies Sociale dhe Rinisë Blendi Klosi morri pjesë në shpërndarjen e mjeteve Shkollore dhe veshjeve, për 950 fëmijë jetimë nga e gjithë Shqipëria, dhuruar nga shoqata e Katarit në Shqipëri. 122 mijë euro për mjetet mësimore dhe veshje për fëmijët dhurohen në prag të nisjes së vitit të ri arsimor. Ministri Klosi vlerësoi këtë nismë, aq më shumë që ajo shkon për më të vegjlit.

?Solidariteti me njëri ? tjetri, me të dobtit, me njerëzit më në nevojë, mbase nuk zgjidh plotësisht nevojat e tyre, por ndjejnë që nuk janë vetëm. Nisma të tilla, të përmasave të mëdha si kjo e sotmja, por edhe më të vogla, edhe individuale, edhe sado modeste për njerëzit në nevojë është një mesazh i forte solidariteti dhe mbështetjeje. Ministria e Mirëqënies Sociale dhe Rinisë, mbështet dhe inkurajon nisma të tilla? – tha ministri Klosi.

?Morëm pjesë në një aktivite të shkëlqyer të Fondacionit Mbështetës të Qatar-it. Një aktivitet që shkon në momentin e duhur dhe mënyrën e duhur për 950 fëmijë jetimë, në nevojë, të cilët nëpërmjet Fondacionit dhe në mbështetje të Ministrisë së Mirëqenies Social dhe Rinisë, po marrin sot një paketë të plotë për fillimin e vitit të ri shkollor. Sigurisht mbështetja për ta shkon me disa materiale të thjeshta por të nevojshme për mbarëvajtjen e vitit shkollor. Po ashtu, së bashku me Fondacionin e Qatar-it, familjeve në nevojë , pra ato shtresa që kanë më shumë nevojë për mbështetjen e shtetit dhe të partnerëve social të Ministrisë, do u qëndrojmë sa më shumë pranë?, theksoi Klosi në fjalën e tij.

Ministri premtoi mbështetje për fëmijët dhe famijet e tyre dhe në vazhdim. ?Këta fëmijë vijnë nga e gjithë Shqipëria për të marrë një mbështetje sadopak të thjeshtë, por të rëndësishme për ta, sepse kanë mundësinë të zgjedhin sipas dëshirës dhe imagjinatës së tyre për çantën më të bukur, uniformën më të mirë dhe është një mbështetje që do i shoqërojë këta fëmijë për gjatë të gjithë vitit. Ministria e Mirëqenies Sociale dhe Rinisë, bashkë me Fondacionin e Qatar-it, do të vazhdojë të japë një mbështetje të madhe për këta fëmijë gjatë periudhës së shkollës dhe natyrisht edhe për familjet e tyre?, tha Klosi. Ministri i Mirëqenies Sociale Klosi tha se ky duhet të jetë një moment reflektimi për të gjithë ata që kanë mundësinë të ndihmojnë. ?Mendoj se është një moment reflektimi për të gjithë ata që kanë mundësinë të ndihmojnë fëmijët në nevojë dhe për familjet që nuk kanë marrë në jetë për një arsye apo një tjetër atë që kanë shpresuar e kërkuar. Natyrisht, dora e shtetit do të vazhdojë të jetë e ngrohtë. Kemi një mbështetje të madhe nga kaq shumë miq që ka përkrahja sociale në vendin tonë. Prandaj do doja të falenderoja edhe një here Ambasadën e Qatar-it dhe Fondacionin Mbështetës të QATAR-it dhe të gjithë këta vullnetarë, që bashkë po bëjnë një punë shumë të mire?, nënvizoi Klosi në fjalën e tij. /Citynews.al