web counter
LEXO PA REKLAMA!

SHKARKO APP

App Store
Google Play

E fundit!

x

Video/ Operacioni për arrestimin e autorit të vrasjes së policit të FNSH-së

3 Shtator 2016, 12:20, Aktualitet CNA

Arrestimi i vrasësit të policit të FNSH-së u bë pas një operacioni të gjatë të Policisë së Shtetit.

Me date  02.09.2016, nga Seksioni kundër krimeve të rënda në Drejtorinë Vendore të Policisë Lezhë, u bë arrestimi në flagrance i shtetasit David Qosaj, 30 vjeç,  banues në Torovicë  Lezhë.

Me datë 02.09.2016 , është marrë njoftim se në Torovicë, shtetasi David Qosaj po qëllon me armë zjarri  nga banesa e tij. Nuk ka të dëmtuar në njerëz.

Menjëherë në vendngjarje kanë mbërritur forcat policore të Drejtorisë Vendore të Policisë Lezhë,  në mbajtjen nën kontroll të situates deri në ardhjen e forcave të specializuara të policisë pasi ky shtetas njihej në komunitet si person me probleme mendore por nuk ka të dhëna akoma të konfirmuara zyrtarisht.

Shtetasi David Qosaj,  ishte mbyllur brenda në banesen e tij dhe po hapte zjarr kundër policisë.

Në vendngjarje, ka mbërritur F.N.Sh-ja , për mbështetje ku gjatë shkëmbimit me armë zjarri me shtetasin David Qosaj,   ka mbetur i vrarë punonjësi policisë  i F.N.Sh-së, A.K.47 vjeç, banues në Shkodër.

Për shkak të rrezikshmërisë së autorit të krimit,  në vendngjarje kanë mbërritur edhe Forcat e RENEA-s , ku pas një operacioni, u arrit që shtetasi David Qosaj  të neutralizohej dhe të kapej .

Në  cilësinë e proves materiale u gjet dhe sekuestrua një armë zjarri automatik model 56  me dy krehëra fishekësh.

Materialet procedurale u referuan Prokurorisë së Rrethit Gjyqësor Lezhë për vepren penale  “Vrasje e punonjësve të policisë së  shtetit  ”  dhe ” Prodhim dhe mbajtje pa leje e armëve luftarake dhe municionit”  parashikuar nga nenet 79/b  e 278 të Kodit Penal. /Citynews.al

 





Lajmet e fundit nga