web counter
LEXO PA REKLAMA!

SHKARKO APP

App Store
Google Play

Shehu: Gjiknuri e Ahmetaj të japin llogari për aferën korruptive me hidrocentralin e Skavicës

3 Shtator 2016, 10:59, Aktualitet CNA

Kandidati demokrat për kryebashkiak i Dibrës, Sherefedin Shehu e ka cilësuar fyerje shkuarjen në Dibër të ministrave Gjiknuri dhe Ahmetaj, të cilët pas rritjes se çmimit të energjisë dhe presionit me faturat abuzive janë përgjegjës direkt për korrupsionin e hidrocentralit të  Skavicës. Shehu është shprehur gjatë një takimi me banorë në Arrëz, Katund i Ri, Hotesh dhe Lishan i Epërm.

Duke parashtruar programin për bashkinë, Shehu tha se ofrimi i shërbimeve që nga pastrimi, sistemimi i rrugëve dhe kanalet vaditëse do të jenë prioritet në punën e tij.

?Në bashkinë e Peshkopisë ka mundësi që edhe me buxhetin ekzistues edhe me ndërmarrje, makineri që ka bashkia dhe që nuk varen nga dëshira e kryeministrit sepse ky kryeministër nuk ka vullnet dhe dëshirë ta mbështesë Dibrën, të realizojmë projekte që duken të vogla por që për ju janë shumë të rëndësishme. E para, të kryejë shërbimet e domosdoshme për qytetarët, mbledhjen e mbeturinave. Problemi i dytë, është sistemi i kanalizimeve.  Do të largojmë ndotjen nga fshati dhe do të mbrojmë Drinin nga ndotja. Përmirësimi i sistemit të vaditjes dhe në pranverën e vitit të ardhshëm sistemi ekzistues do të jetë plotësisht efecient, i gatshëm për t?ju shërbyer ju. Ndërsa problemi tjetër është sistemi i ujit të pijshëm. Këtej në zonën e Sinës ne kemi filluar një projekt të madh me Bankën Gjermane për Zhvillim, ky projekt tani do të vijë të zbatohet edhe në zonën tuaj?, theksoi kandidati Sherefedin Shehu.  /Citynews.al





Lajmet e fundit nga