web counter
LEXO PA REKLAMA!

SHKARKO APP

App Store
Google Play

Reforma Zgjedhore me PD e PS, ndërkombëtarët vëzhgues

3 Shtator 2016, 09:13, Aktualitet CNA

Komisioni për Reformën Zgjedhore pritet që javën e ardhshme të zhvillojë një mbledhje, ku do të diskutohen propozimet e të dyja palëve politike për ndryshimin e Kodit Zgjedhor. PS dhe PD kanë gati draftet përkatëse për reformën zgjedhore, ndërsa në komision pritet beteja politike mes tyre, pasi palët ndahen në shumë pika të reformës së Kodit.

Ekspertët e OSBE/ODIHR, i kanë sugjeruar 9 rekomandime klasës politike për reformimin e Kodit Zgjedhor. por, ndryshe nga ekspertët ndërkombëtarë për reformën në drejtësi, ekspertët e OSBE/ODIHR do të kenë vetëm rol monitorues dhe konsultativ në reformën zgjedhore.

Demokratët në draftin e tyre kanë propozuar 12 ndryshime për reformimin e Kodit Zgjedhor. Partia Demokratike kërkon që të futet përdorimi i teknologjive në votim në vitin 2017, me qëllim identifikimin e sigurt të votuesve në qendrën e votimit, verifikimin dhe parandalimin e votimit të shumëfishtë në të njëjtën qendër votimi. Edhe më herët, nënkryetari i Komisionit për Reformën Zgjedhore, Oerd Bylykbashi, kërkoi që dy kushtet thelbësore të PD të aplikohen, pasi kjo do të garantonte transparencën e votës dhe zgjedhje të lira dhe të ndershme. Ai tha se PD do të bëjë gjithçka që zgjedhjet të mos manipulohen. ?Neve do të bëjmë gjithçka që zgjedhjet të jenë të lira dhe të ndershme, përndryshe ky do të jetë fillimi i një tjetër krize të madhe që shqiptarët kanë parë shumë herë në politikë?, ka thënë ai. Edhe pse demokratët kanë kërcënuar se nuk do të marrin pjesë në zgjedhjet e 2017 nëse nuk realizohet votimi dhe numërimi elektronik i votave, PS sërish këmbëngul se propozimet e PD nuk do të jenë pjesë e draftit përfundimtar, pasi janë të parealizueshme. Për këtë priten edhe debate të ashpra politike. /Citynews.al





Lajmet e fundit nga