E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Kastriot MYFTARAJ/ Pse Ministri Sokol Dervishaj duhet të arrestohet nga Byroja Kombëtare e Hetimeve

3 Shtator 2016, 07:03, Aktualitet CNA

Nëse ka ndonjë rast të qartë, të pastër të shpërdorimit të detyrës duke i shkaktuar një dëm të madh buxhetit publik, ky është ai i Ministrit të sotëm të Transportit, nga LSI, z. Sokol Dervishaj, në kohën kur mbante detyrën e Zëvendësministrit në Ministrinë e Ekonomisë, Tregtisë dhe Energjitikës, po si përfaqësues i LSI-së, në 2012. Fjalën e kam për privatizimin e kompanisë publike ?Albetrol?. Në atë kohë, z. Dervishaj ishte kryetar i komisionit për vlerësimin e ofertave për shitjen e kompanisë ?Albetrol?, pra personi zyrtar i ngarkuar me përgjegjësi të drejtpërdrejta për kryerjen e procesit të privatizimit.
Z. Dervishaj dhe Ministri i tij i asaj kohe, Haxhinasto, të cilin Dervishaj pritet ta zëvendësojë tani, shpallën si ofertën më të mirë atë të kompanisë ?Vetro Energy?, prej 850 milionë euro. Brenda një periudhe kohe të shkurtër, prej tre muajsh, ?Vetro Energy? duhet të kryente pagesën paraprake, në formë garancie, duke depozituar 20% të shumës, në dy këste nga 85 milionë euro, në llogarinë e shtetit shqiptar, në një bankë ndërkombëtare të caktuar me marrëveshjen midis palëve. Këstin e parë prej 85 milionë euro, që përbënte 10% të shumës së shitjes, ?Vetro Energy? duhet ta depozitonte brenda pak ditësh. Nëse ?Vetro Energy? nuk do të derdhte pjesën tjetër të shumës prej 680 milionë euro, shuma prej 170 milionë euro i kalonte shtetit shqiptar.
Në atë kohë, z. Dervishaj, doli para kamerave televizive, dhe me zë e figurë, njoftoi shqiptarët se ?Vetro Energy? e kishte depozituar shumën fillestare prej 85 milion euro në llogarinë e shtetit shqiptar. Procedura e privatizimit vazhdoi më tutje, por në dhjetor të atij viti, në përfundim të afatit për pagimin e këstit të dytë prej 85 milionë euro të garancisë, z. Dervishaj, u detyrua të dilte dhe të pohonte se ?Vetro Energy? nuk e kishte paguar këstin e dytë prej 85 milionë euro. Por shteti shqiptar nuk pëson humbje, tha z. Dervishaj, sepse ka të drejtë të konfiskojë shumën prej 85 milionë euro të depozituar, si kësti i parë për garancinë.
Pas disa ditësh, z. Dervishaj u detyrua që të dilte përsëri dhe të pohonte publikisht se ?Vetro Energy? në të vërtetë nuk kishte depozituar as këstin e parë prej 85 milionë euro. Kështu që shtetit shqiptar nuk i mbetej veçse të konfiskonte thesin me letra që kishte lënë ?Vetro Energy?.
Dervishaj ishte personi i drejtpërdrejtë përgjegjës, që, bashkë me ministrin e tij të kohës, Edmond Haxhinasto, duhet ta kishte verifikuar depozitimin e shumës,. Z. Dervishaj nuk mund të thotë se ai u gënjye nga ?Vetro Energy?, aq më pak nga kompania konsulente e përzgjedhur. Z. Dervishaj, si zyrtar i shtetit shqiptar kishte detyrim të bënte verifikimin përkatës bashkë me ministrin e tij të kohës, para se të konfirmonte kryerjen e pagesës nga ?Vetro Energy?.
Z. Dervishaj e bëri deklaratën e sipërpërmendur sepse ai ka marrë mitë, siç njihet në fjalorin ligjor, apo rryshfet, siç njihet gjerësisht në popull, nga ?Vetro Energy?. Por nuk ka shumë rëndësi kjo gjë. Rëndësi ka që z. Dervishaj i ka shkaktuar një dëm prej 85 milionë euro të ardhurave publike, 85 milionë euro të cilat duhet të kishin hyrë si të ardhura për buxhetin e shtetit. Prandaj Byroja Kombëtare e Hetimeve duhet të nisë një hetim në ngarkim të Sokol Dervishajt dhe meqënëse faktet janë mëse të qartë, ta arrestojë atë pa vonesë. Shkruar per CITYNEWS.AL