web counter
LEXO PA REKLAMA!

SHKARKO APP

App Store
Google Play

E fundit!

x

PD: Raporti i ILO - Shumë të rinj duan të emigrojnë/ Papunësia shkaku, Rama ofron veç kultivim hashashi 

3 Shtator 2016, 11:13, Aktualitet CNA

Partia Demokratike ka paraqitur shifrat e një raporti më të fundit të ILO-s, të publikuara nga Organizata Ndërkombëtare e Punës, të cilat flasin për një përqindje të lartë të të rinjve shqiptarë të cilët duan të emigrojnë në botë. Sipas PD-së shkaku i dëshirës masive të të rinjve është papunësia, për të cilën opozita bën përgjegjës direkt kryeministrin Rama.

?Pas 3 vitesh qeverisje të Edi Ramës, të rinjtë shqiptarë zënë vendin e parë në Europë dhe në botë për dëshirën për të braktisur vendin. Ky raport tronditës bëhet i ditur nga Organizata Ndërkombëtare e Punës. Organiza Ndërkombëtare e Punës, tregon se përqindja më e lartë e të rinjve nga mosha 15 -29 vjeç, që duan të emigrojnë në botë, janë nga Shqipëria. Në raport thuhet se gatishmëria e të rinjve për të emigruar është nxitur kryesisht  nga papunësia e lartë dhe mungesa e shanseve dhe e besimit për të gjetur një punë?, thuhet në deklaratën e zëdhënëses së PD-së Ina Zhupa.

Arsyeja e kësaj gjendjeje për opozitën ka vetëm një autor dhe ai është kryeministri, i cili jo vetëm nuk ka mbajtur remtimet për 300 mijë vende une pork a rritur papunësinë.

?Kjo është gjendja ekonomike në Shqipëri, ky është realiteti ku papunësia rritet, besimi tek të rinjtë është goditur, shpresa për të ardhmen është vrarë, ndërsa shtohet cdo ditë pasuria e qeveritarëve që ndajnë e plackisin asetet publike e paratë e shqiptarëve.300 mijë vendet e punës të premtuara nga Edi Rama 3 vjet më parë, jo vetëm janë harruar por mijëra të papunë janë shtruar si pasojë e taksave të larta, pasigurisë, mbylljes së bizneseve, dhe arrogancës së pushtetarëve. Të vetmet vende pune në qeverisjen e Edi Ramës dhe me bekimin e tij janë ato të kultivimit dhe ruajtjes së hashashit për llogari të një grushti banditësh dhe qeveritarësh?, tha Zhupa.

PD I kërkon të rinjve të mos largohen por të largojnë nga pushteti këtë model që ofron kryeministri pasi nuk e meritojnë.

?Të rinjtë shqiptare nuk e meritojnë këtë model që ofron Edi Rama, nuk e meritojnë këtë vrasje të shpresës. Rinia duhet të bashkohet, të ngrihet e të marrë fatet e vendit në dorë. Largimi nuk është zgjidhja. Shqipëria mund të ofrojë punë, shpresë e të ardhme për rininë.

Shqipëria do të jetë më mirë pa Edi Ramën?, thuhet në deklaratën e zëdhënëses së PD-së Ina Zhupa. /Citynews.al

 





Lajmet e fundit nga