E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Veliaj: Hedhim themelet për shkollat e reja, fund mësimit me dy turne

3 Shtator 2016, 12:40, Aktualitet CNA

Në kuadër të projektit për ndërtimin e 20 shkollave në kryeqytet, të cilat do të zgjidhin përfundimisht problemin e mësimit me dy turne, Bashkia e Tiranës nis ndërtimin e shkollës së re në zonën e Kombinatit. Shkolla 9-vjeçare, ?Betim Muço? është godina e dytë që nis të ndërtohet sipas projektit të 20 shkollave. Nisja e punimeve u inspektua nga kryetari i Bashkisë së Tiranës, Erion Veliaj, i cili theksoi rëndësinë e këtij projekti.

?Më vjen mirë që pas shkollës ?Hoxha Tahsin?, shkolla 9-vjeçare ?Betim Muço? në Kombinat është e dyta si pjesë e projektit për ndërtimin e 20 shkollave në Tiranë. Duke filluar me këto dy shkolla të para dhe për të pasuar me shkollën ?Kosova?, do të vazhdojmë gjatë këtij viti me hedhjen e themeleve për shkolla të reja. Kjo është e vetmja mënyrë se si mund të eliminojmë klasat me dy turne?, tha Veliaj.

Në kuadër të bashkëpunimit të sektorit publik me atë privat veliaj nënvizoi: ?Ka ardhur koha për një ndryshim radikal, ndaj do të vazhdojmë partneritetin publik-privat me ndërtimin e 20 shkollave në Tiranë. Pasi firma të ketë mbaruar shkollën, do të fillojmë të paguajmë këstet. Kjo mënyrë ka funksionuar me sukses në shumë vende rreth nesh. Ka ardhur koha që të ecim përpara me këtë projekt?, theksoi Veliaj.

Shkolla 9-vjeçare ?Betim Muço? në Kombinat do të ketë 27 klasa dhe 6 laboratorë, dhe do mbulojë nevojat e 1200 fëmijëve.

Kryebashkiaku, tha se është detyrë e gjithë qytetarëve ta mirëmbajnë dhe të jenë bashkëpunues me bashkinë, teksa avancohet me projekte të tjera.

Veliaj bëri të ditur se duke filluar nga muaji tjetër do nisë investimi në zonën e Kombinatit nga mbikalimi deri në Sharrë, dhe pastaj rehabilitimin e gjithë varrezave të Sharrës.

Veliaj solli në vëmendje investimet e kryera për ambiente arsimore në zonën e Kombinatit, e cila do të jetë një nga 7 poliqendrat e Tiranës e parashikuara në Planin e Përgjithshëm Vendor ?Tirana 2030?. Ai shtoi se investimet do të vijojnë edhe më tej me infrastrukturën e kësaj zone. /Citynews.al