E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Zbardhet plagosja e 2 personave

31 Gusht 2016, 09:33, Aktualitet CNA

Policia e Lezhës zbardhi ngjarjen e ndodhur te rreth-rrotullimi i Ishull – Shëngjinit, ku mbetën të plagosur 2 shtetas.

Në kohë rekord u identifikuan autorët e dyshuar, u arrestua dy prej tyre si dhe janë shpallur në kërkim dy të tjerët. Me datë 30.08.2016, është njoftuar se tek rreth-rrotullimi i Ishull Shëngjinit, ka ndodhur një plagosje me armë zjarri.

Menjëherë në vendngjarje kanë mbërritur forcat policore të cilët falë veprimeve të shpejta hetimore dhe profesionale , bënë të mundur kqyrjen e vendit të ngjarjes , mbledhjen e provave materiale , si dhe zbardhjen e ngjarjes, duke nxjerrë përfundim se pas një konflikti për motive të dobëta, shtetasit Vlash dhe Vlad Seferaj( vëllezër ) kanë shkëmbyer zjarr me shtetasin Marjan Nikolli.

Për pasojë kanë mbetur të plagosur shtetasit T.K.( shok i Marjanit) dhe Marjan Nikolli të cilët ndodhen në spitalin e Traumes në Tiranë.

Pas një hetimi intensiv dhe të pandërprerë, me qëllim zbardhjen dhe dokumentimin e plotë të ngjarjes , në kohë rekord kanë bërë të mundur identifikimin e autorëve, duke arrestuar në flagrancë shtetasit: Marjan Nikolli, 41 vjeç, banues në Tiranë, për veprën penale “Vrasje me dashje” mbetur në tentativë dhe “Prodhimi dhe mbajtja pa leje e armëve të zjarrit dhe municioneve” parashikuar nga nenet 76-22 dhe 278/5 të Kodit Penal dhe Briken Kovaçi, 25 vjeç, banues në Lezhë, për veprën penale ” Moskallëzim krimi” dhe “Përkrahje e autorit të krimit” parashikuar nga nenet 300 dhe 302 të Kodit penal, pasi ky shtetas është larguar me mjetin e tij nga vendngjarja , shtetasin Marjan Nikolli pas ngjarjes.

Gjithashtu u shpallën në kërkim dhe po punohet për kapjen e tyre, shtetasve Vlash Seferaj, 31 vjeç , Vlad Seferaj, 27 vjeç, banues në Tiranë për vepren penale “Vrasje në rrethana të tjera cilësuese” mbetur në tentativë dhe “Prodhim dhe mbajtje pa leje e armëve luftarake dhe municionit” parashikuar nga nenet 79 dhe 278 /5 të Kodit Penal.

Nga kqyrja e vendit të ngjarjes, u gjetën dhe u sekuestruan në cilësinë e provave materiale 8 gëzhoja model 54, 3 fishekë model 54 të pa qitura, 7 gëzhoja 9mm pistoletë Automjeti tip Benz në përdorim të Briken Kovaçit.

Materialet procedurale u referuan Prokurorisë së Rrethit Gjyqësor Lezhë për veprime të mëtejshme. /Citynews.al