web counter
LEXO PA REKLAMA!

SHKARKO APP

App Store
Google Play

Asgjësohen 2324 bimë kanabis

31 Gusht 2016, 07:13, Aktualitet CNA

Goditet një tjetër rast i kultivimit të bimëve narkotike. Asgjësohen  me anë të djegies 2.324 bimë Cannabis Sattiva në Mat. Bimët e kultivuara janë gjetur në 5 parcela.Gjithashtu u sekuestruan 56 fishek model 56, si dhe 3 krehëra automatiku.

Në zbatim të detyrave të përcaktuara në Planin e masave për kontrollin e territorit me qëllim evidentimin dhe goditjen e kultivimit të bimëve narkotike, Efektivat e Stacionit të Policisë  Klos,  kanë ushtruar kontroll në vendin e quajtur ?Përroi i Linosit?, sipër fshatit Gurë  i  Bardhë, të rrethit Mat.

Si rezultat i kontrollit të ushtruar  në një pjesë pylli të shpyllëzuar, të hapur rishtas për kultivim,  janë  konstatuar pesë  parcela  të  kultivuara me bimë të dyshuara  narkotike.

Grupi hetimor ka konstatuar se në këto parcela  ishin të kultivuara 2.324 bimë  të dyshuara ?Cannabis Sativa?.

Bimët varionin nga 1.30  deri në 2  metra të larta.

Bimët narkotike janë asgjësuar në vend me anë të djegies, ku  disa prej tyre, janë sekuestruar në cilësinë e provës materiale.

Gjatë kontrollit të territorit përreth janë konstatuar dhe 3 vend qëndrime, të mbuluara me plasmas, ku në njërin prej tyre janë gjetur dhe sekuestruaar në cilësinë e provës materiale 56 fishekë model 56, si dhe 3 krehëra automatiku. Po punohet për identifikimin dhe kapjen e autorëve.

Materialet i kaluan Prokurorisë së Rrethit Gjyqësor Mat për veprime të mëtejshme. /Citynews.al

 





Lajmet e fundit nga