Shënim/Reforma në Drejtësi, tani një vrimë në ujë

30 Gusht 2016, 20:25, Aktualitet CNA

*Elvi FUNDO

Reforma në Drejtësi tani është thjesht një vrimë në ujë. Ajo që u përfol si suksesi më i madh i epokes se demokracisë, apo reforma që qeveria po bënte për të vënë në vend drejtësinë për shqiptarët, tani mund të quhet e dështuar ne hapin e pare.

Ajo thjesht është një vrimë në ujë dhe asgje më shumë ne rast se nuk ka konsensus.

Sot mazhoranca miratoi ligjin e parë pas ndryshimeve kushtetuese të 22 korrikut. Miratimi i këtij ligji u përshëndet edhe nga ambasada e SHBA-ve, por në fakt ky proces që u zhvilluar sot e fut këtë reformë në një rrugë pa krye.

Reforma mund të quhet një vrimë në ujë, sepse pa konsensusin e opozitës fillojnë betejat ligjore dhe këto beteja mund ta vonojnë ose mund të cojnë në një mbetje në vend numëro të saj.

Opozita ka të gjithë të drejtën e saj të kërkojë garanci të plota dhe mos lejojë që reforma në drejtësi të kthehet në kapje të drejtësisë nga kryeministri dhe qeveria. Një reforme e vërtetë do ishte ajo që do mbante larg palët politike, por kjo mesa duket nuk po ndodh. Kreu i qeverisë kërkon të të ketë ndikim në aksionin e kësaj reforme.

Këtu fillon dhe mbaron gjithcka. Për sa kohë opozita ska garanci se kreu i qeverisë apo njëra palë nuk do kapë drejtësinë do veprojë me të gjitha menyrat teknike dhe politike.

Sot PD-ja nëpërmjet Eduart Halimit e tha qartë aksionin e saj, ligji do shkojë në Kushtetuese. Po cilët gjykatës në botë do miratonin apo lejonin hyrjen në fuqi të një ligji i cili është edhe kundër tyre? Ligji i ?Vetingut? kalon në sitë të gjithë gjykatësit dhe ata të Kushtetueses gjithashtu.

Pra reforma është thjesht një vrimë në ujë në rast se nuk ka konsensus me opozitën. Kjo e fundit ligjet pa miratimin e saj i con në Kushtetuese, gjykatësit rrëzojnë cdo ligj kundër tyre dhe vrima në ujë përsëritet e përsëritet pa ndalim. Reforma përvec kohës dhe afateve që kërkon për tu zbatuar do kërkojë edhe kohën shtesë të bllokimit apo mos miratimit të ligjeve. Tani kemi ndryshime kushtetuese të miratuara me konsensus dhe vrimën e ujit që ju bë sot reformës me miratimin e ligjit të parë të saj.(shkruar per CityNews.al)