TemA: Basha kërcënoi "rebelet"

30 Gusht 2016, 18:03, Aktualitet CNA

Kryetari i PD Lulzim Basha në mbledhjen e grupit parlamentar demokrat ka kërkuar kompaktësi të të gjithë grupit përballë mazhorancës në seancën e jashtëzakonshme parlamentare për miratimin e ?Vettingut?, raporton TemA.

Njëherësh mësohet se ai ka theksuar se ?këtë radhë votat e grupit të PD duhet të jenë kompakte, të mos ketë rrjedhje, jo se ndryshojnë rrjedhën e miratimit të ligjit përballë mazhorancës, por për të treguar se qëndrimin i demokratëve ka një bazë reale kundër ligjit të mazhorancës?, që sipas tij nuk ka marrë parasysh asnjë prej propozimeve të opozitës për ?Vettingun?.

Teksa ka folur, Basha nuk ka munguar të shprehet se qëndrimi i grupit nuk duhet të thyer, dhe se vendimi i grupit duhet të jenë ai i debatit në Kuvend për të mbrojtur amendamentet e paraqitur nga PD, por dhe mosvotimi i këtij drafti të ?Vettingut?.

Një sinjal i tillë ndaj ?rebelëve? brenda grupit ka ardhur për shkak të precedentit të para 21 korrikut, kur disa nga deputetët e PD, si Selami, Patozi, Bregu etj., deklaruan qëndrimin pro reformës në drejtësi, do apo nuk do lidershipi i PD.

Por dhe nga deklarata e sotme e Ramës ka krijuar shumë pasiguri te Basha në lidhje me fuqinë e tij për të mbajtur opozitën të bashkuar në Kuvend.

Pasi Kryeministri Edi Rama në komunikimin përmes rrjeteve sociale me qytetarët ka theksuar se ?Vettingu? do të kalojë me 84 vota, por ndoshta edhe më shumë, duke iu referuar që në fillim reformës në drejtësi ?thembra e Akilit? për shoqërinë shqiptare.

?Së pari, sot pasdite ka një seancë të posaçme për të kaluar ligjin e Vettingut që bashkë me 6 ligjet e tjera i hap rrugën zbatimit të reformës në drejtësi, do kalojë me ose pa konsensusin e PD, këto ligje do të kalojnë me 84 vota ose më shumë?, tha Rama.

Kreu i PD në mënyrë indirekte ka bërë presion ndaj deputetëve që janë kundër tij, duke përmendur se në prag të fushatës së ardhshme elektorale të verës së ardhshme, nuk është në funksion të fitores dhënia e mesazheve për qytetarët se opozita nuk është kompakte, dhe se mungesa e daljes me një zë, sjell firo jo vetëm në elektorat.

Basha ka nënvizuar se nuk mund të votohet drafti i ?Vettingut?, pasi verejtjet dhe propozimet e eksperteve te opozites nuk u moren parasysh, projektligji aktual është antikushtetues dhe në shkelje flagrante te Kushtetutes se 22 korrikut. Duke paralajmëruar se do të ndiqen të gjitha hapat kushtetues, që paralajmëron dhe dërgimin në Kushtetuese të ?Vettingut?.