web counter
LEXO PA REKLAMA!

SHKARKO APP

App Store
Google Play

E fundit!

x

PDK-ja ia ofron Thaçit katër propozime për demarkacionin

31 Gusht 2016, 08:05, Aktualitet CNA

PDK i ka ofruar presidentit të Kosovës katër versione zgjidhje për ccështjen e demarkacionit Këto propoime prej dy muajsh ndodhen në tryezën e presidentit Hashim Thaçi, tri nga të cilat do të mundë t?u prezantoheshin autoriteteve të Malit të Zi si propozim-zgjidhje për çështjen e demarkacionit, bën të ditur Koha Ditore.

Të gjitha kërkojnë rinegocimin e Marrëveshjes së kufirit ose dërgimin e rastit në arbitrazh.

Njëri version është deklaratë pajtimi në mes dy vendeve. Tjetri është aneks i Marrëveshjes së 26 gushtit të vjetëm. I treti përbën deklaratë të përbashkët mes kuvendeve të Kosovës e Malit të Zi. Nëse asnjëri nga tri versionet nuk do të mbështetej nga Podgorica zyrtare, nëpërmjet versionit të katërt është paraparë zgjidhje e njëanshme ? nxjerrja e një vendimi nga Kuvendi i Kosovës.

Kreu i shtetit nuk e ka marrë në konsideratë ndonjërën, pavarësisht se draftet janë hartuar nga juristë të Partisë Demokratike, subjekt politik që Thaçi e ka drejtuar deri në fillimvit, kur është zgjedhur në majë të pushtetit. Ato i ka tashmë edhe kryeparlamentari Kadri Veseli, i cili e ka pasuar Thaçin në krye të partisë.

Gazeta nuk ka mundur të mësojë nëse të tillat janë vënë edhe në tavolinën e kryeministrit Isa Mustafa. /Citynews.al

 





Lajmet e fundit nga