web counter
LEXO PA REKLAMA!

SHKARKO APP

App Store
Google Play

Asgjësohen 40 mijë rrënjë drogë, arrestohen 4 persona

31 Gusht 2016, 07:17, Aktualitet CNA

Në kuadër të Operacionit të koduar “URA E POÇEMIT”, Policia ka asgjësuar rreth 40.000 rrënjë bimë narkotike e dyshuar të llojit Cannabis Sattiva.

Policia ka vënë në pranga 4 shtetas, si autorët e dyshuar të kultivimit të këtyre bimëve narkotike.

Arrestohen shtetasit: 1- Sokol Lelaj, 23 vjeç, banues në fshatin Rexhepaj, Vlorë. 2- Altin Lelaj, 24 vjeç, banues në fshatin Rexhepaj, Vlorë. 3- Hamet Bitaj, 21 vjeç, banues në fshatin Fitore, Vlorë. 4- Nexhip Lamaj, banues në fshatin Roms, Vlorë.

Policia e Vlorës, në bazë të informacioneve të marra në rrugë operative por edhe mbështetur nga monitorimi ajror nga Guardia di Finanza ka bërë të mundur realizimin e këtij operacioni ku mbi bazën e të cilit janë asgjësuar rreth 40.000 (dyzet mijë) rrënjë bimë narkotike e dyshuar të llojit Cannabis Sattiva si dhe janë kapur në flagrancë 4 shtetasit e mësipërm në fshatin Gorisht, si autorët e dyshuar në lidhje me kultivimin e këtyre bimëve narkotike.

Bimët narkotike ishin të kultivuara dhe të ndara në 10 parcela përgjatë shtratit të lumit Vjosë, pranë vendit të quajtur “Ura e Poçemit” me lartësi deri në 200 cm, të cilat u asgjësuan me anë të shkuljes, copëtimit dhe djegies me zjarr.

Në këtë operacion morën pjesë rreth 200 forca policore (toka dhe ajri), ku bënin pjesë Drejtoria Vendore e Policisë Vlorë, Drejtoria e Përgjithshme për Sigurinë Publike, Guardia di Finanza, Reparti RENEA dhe FNSH.

Vijon puna për asgjësimin e bimëve të tjera narkotike dhe për kapjen e autorëve të tjerë të implikuar në veprën penale kundër “Kultivimit të bimëve narkotike”. /Citynews.al





Lajmet e fundit nga