web counter
LEXO PA REKLAMA!

SHKARKO APP

App Store
Google Play

Unaza e Korçës dhe rruga e Moravës në terr/ Përgjegjëse Bashkia e qytetit

29 Gusht 2016, 07:26, Aktualitet CNA

Bashkia e Korçës ka lënë në terr të plotë disa segmente të qytetit. Bëhet fjalë për Unazën e Korçës dhe rrugën që të çon në pikën turistike në Morave.

Unaza ka përfunduar në vitin 2009 dhe bashkia e qytetit e cila ka marë në administrim këtë rrugë nuk ka kryer asnjë shërbim apo mirmbajtje. Unaza është në erësirë të plotë që pas vjedhjes së kabllit elektrik disa vite më parë kohë kur Bashkia Korçë drejtohej nga Niko Peleshi.

Në errësirë lihet prej vitesh edhe rruga panoramike dhe turistike që trë çon në malin e Moraves. Një investim vërtet i veçantë për turizmin, por që Niko Peleshi dhe Sotiraq Filo nuk e promovojnë kurrë, për më tepër prej vitesh i kanë mbyllur ndriçimin.

Unaza në terr se u vodh kablli, duhen vite që të ndrohet, rregullohet apo zëvendësohet?

Në fakt kjo është më shumë një levizje politike e ddrejtuesve të bashkisë, sepse ato janë investime të kryeta gjatë viteve 2005-2013. Nga ana tjetër për rrugën e Moravës ka pasur një debat me Qarkun e Korçës. Niko Peleshi atëherë kryebashkiak për të mos ndezur ndriçimin në segmentin rrugor të pikës turistike Moravë i deklaronte Qarkut Korçë se nuk e kishte ai nën administrim. Sot që prej një viti e ka bashkia e Korçës pse nuk ndriçohet rruga e Moravës, ose me sakte pse nuk rikthehet energjia tek sistemi i ndriçimit?

Në qytetin juglindor, por rregullohen fasada, ndërtohen kulla, lëvizen trotuare, parqe etj…, por ende Bashkia Korçë, nuk gjen disa thërrime nga milionat e bëra fasadë të ndriçojë Unazën në dy segmente të saj dhe rrugën turistike në Morave? Ndricimi mungon për ndonjë copë kabëll apo inat me investimet e kryera nga dikush tjetër? Por këto investime nuk janë as të Nikos, as të Raqit, as të PD-së e as të PS-së, janë investime për qytetarët dhe qytetin e Korçës, i shërbejnë atyre dhe turistëve dhe vizitorëve të shumtë që zgjedhin qytetin e serenatave si destinacion turistik./CityNews





Lajmet e fundit nga