E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vijuar hetimet ndaj shtetases Beli...

Nga Kastriot MYFTARAJ/ Zana Limprecht dhe Edi RAMA

29 Gusht 2016, 06:33, Aktualitet CNA

E si mund të harrohet ajo skenë melodramatike në ceremoninë mortore që u mbajt në Pallatin e Kongreseve në Tiranë, me rastin e vdekjes, në rrethana romantike të ambasadorit amerikan në Shqipëri, Joseph Limprecht, në maj 2002!

Në rreshtin e parë rrinte ulur Zana, e veshur krejt në të zeza, me sy të përlotur, e zbehtë, dhe me të gjithë pamjen e saj dukej sikur thoshte: Unë jam vejusha e vërtetë në këtë ceremoni mortore!
Aq shumë i bëri përshtypje kjo skenë Departamentit të Shtetit, saqë nuk pagoi as arkivolin, as shpenzimet e transportit të arkivolit me të ndjerin përtej oqeanit, një rast ky unik në praktikën e qeverisë amerikane. Shpenzimet i paguan bashkërisht qeveria shqiptare dhe bashkia e Tiranës.
Edi Rama, i cili mbajti një fjalim sardonik në këtë ceremoni mortore, ka bërë një portret të Zanës me këtë rast, me titullin ?Në vakinë e Babë Lymit?.
Zana ishte një instrument-kyç në duart e Ramës për kontrollin e Babë Lymit, të cilit këtë nofkë ia vuri Edi Rama, me rastin që Limprecht vajti në festën e Pezës, në mes të fushatës për zgjedhjet vendore të vitit 2000, kur Edi Rama kandidonte për herë të parë për kryetar bashkie.
Për të shkuar në Pezë dhe për të kaluar natën jashtë, pranë zjarrit partizan, Limprechtin e bindi Zana, sipas udhëzimit të Edi Ramës. Me këtë rast në, nderim të Babë Myslimit, Limprechtin e quajtën ?Babë Lymi?.
Limprechtin e kishte dërguar Sorosi në Shqipëri, por Plaku i kishte thënë Edi Ramës: Do të ndihmojë ty, por shiko përpiqu ta kënaqësh me femra e kokainë të pastër.
Edi Rama, i prezantoi shumë femra Babë Lymit, ai pëlqeu disa të cilat si grup u bënë të njohura si Haremi i Babë Lymit.
Por e zgjedhura e Babë Lymit amerikan ishte Zana, perla e haremit ambasadorial.
Tani Edi Rama nuk gjen qetësi. I shfaqet në ëndërr një skenë, sikur ngjit shkallët e Pallatit të Kulturës, para hyrjes së Teatrit të Operas dhe Baletit, për të shkuar në një shfaqje ku është i ftuar. Salla dhe skena janë të errësuara. Ai ulet dhe pret. Befas ndriçohet skena dhe Kryeministri shikon se atje gjendet një arkivol. Arkivoli hapet dhe prej tij del Joseph Limprecht, i cili ia bën me shenjë Edi Ramës që ta ndjekë pas. Ecin të dy dhe ndalojnë para zyrës së drejtorit të Teatrit të Operas dhe Baletit. Te dera rri një femër, së cilës nuk i duket fytyra. Ajo vajton në heshtje.
Limprecht hap derën dhe i tregon Edi Ramës me dorë, karrigen bosh të zyrës, pastaj atë femrën e cila rri te dera. Pastaj Babë Lymi zhduket në errësirë dhe kur Rama kthen kokën shikon fytyrën e asaj femrës. Është Zana, e veshur si atë ditë në funeralin e Limprecht. Këtu Kryeministrit i del gjumi.