web counter
LEXO PA REKLAMA!

SHKARKO APP

App Store
Google Play

E fundit!

x

PD: Nuk ndalemi derisa drejtësia për Arditin të vihet në vend

29 Gusht 2016, 11:49, Aktualitet CNA

Partia Demokratike ka organizuar një aksion qytetar para Bashkisë së Tiranës, për të kërkuar drejtësi për Arditin, 17 vjeçarin që humbi jetën më 11 gusht në Landfillin e Sharrës. Partia demokratike në këtë protestë me të rinj dhe familjarë të Ardit Gjoklajt përcolli mesazhin e saj, për dërgimin e kryebashkiakut para ligjit si përgjegjësi kryesor i këtij krimi, si dhe shkuarjen në fund kësaj ccështje që drejtësia të vihet në vend.

?Pavarësisht se ndodhi ky krim shtetëror, ky makabritet për qytetarët, kryebashkiaku Veliaj tenton të manipulojë dhe censurojë mediat, tenton që lajmin për vrasjen ta mbyllë e ta fshehë, ashtu siç bën tentative me Edi Ramën, presione mbi prokurorisë dhe institucionet që të mos e hetojnë këtë ngjarje sepse përgjegjësi i drejtpërdrejtë për këtë akt korruptiv dhe kriminal është Erion Veliaj. Partia Demokratike është në mbështetje të familjarëve të Arditit, të kësaj kauze, dhe ne nuk do të gjejmë qetësi derisa Arditi të marrë drejtësinë e merituar?, thuhet në deklaratën për shtyp të Partisë Demokratike.

Mesazhi i këtij aksioni ka të bëjë me përgjegjësinë që ka drejtpërdrejt Erion Veliaj në këtë histori krimi dhe korrupsioni dhe përpjekjet që ai po bën për ta mbyllur cështjen.

?Ka tentativa për ta mbuluar ngjarjen, pavarësisht dëshmisë së familjarëve për makabritetin e këtij akti, tentativa nga kryebashkiaku i Tiranës, i cili është pronar i drejtpërdrejtë dhe përgjegjës i drejtpërdrejtë për atë paligjshmëri atje, duke nisur nga mosvendosja e administratorit. Nuk e ka vendosur siç e parashikon ligji ose e ka hequr pasi ka ndodhur ky krim makabër. Dhe Ardiani e tregon me dëshminë e vet që ka punuar bashkë më vëllain, që i kanë trajtuar si kafshë, duke u thirrur me lista emërore pa asnjë kusht teknik, pa siguracione. Pa zbatuar Kodin e Punës siç e ka detyrimin kryebashkiaku edhe si administrator, si pronari dhe si dhe thirrësi që ka kërkuar që këta qytetarë të punojnë në landfillin e tij personal?, thuhet në deklaratën e PD-së.

?Historia e kryebashkiakut që qesh është në fakt historia e një vampiri. Një vampir i cili do të përpijë dhe të thihë gjakun e çdo qytetari të Tiranës për të krijuar parajsën e vetë financiare. Jemi në një rast tragjik. Me një kauzë që nuk është më vetëm e familjarëve por edhe e qytetarëve. Kauza e Arditit është kauza e gjithë shoqërisë shqiptare. Kauza e Arditit është një kauzë që tregon nëse drejtësia në këtë vend do të jetë për të bërë drejtësi, që të ketë drejtësi edhe për të dobtin. Që ligji të funksionojë edhe ndaj më të fortit, kryetarit të Bashkisë, kryetarit të Edi Ramës në PS-në së Peqinit, që mbrohet prej tij?, thekson deklarata e PD-së.

PD vëren se ?Mediat kanë nxjerrë dëshmi tronditëse. Kanë pyetur qytetarë të ndryshëm dhe kanë gjetur edhe fëmijë 10 vjeçarë të cilët detyrohen të punojnë në punë të zezë në këtë landfill. Dëshmi që flasin se si shfrytëzohen këta në mënyrë të pashpirt nga Erion Veliaj dhe nga pronari i kompanisë që është i mbrojturi i Edi Ramës, kryetar i PS-së në Peqin. Punojnë 18 orë në ditë si Ardiani 18 vjeç dhe Arditi 17 vjeç, dhe nëse bëjnë 1 minutë pushim i keqtrajtojnë. Kapin shiringa me dorë, qelqe, pa masa mbrojtëse, ndërkohë që ky biznes i Erjon Veliajt nxjerr 50 milionë lekë në ditë?. /Citynews.al





Lajmet e fundit nga