E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vijuar hetimet ndaj shtetases Beli...

Çmontimi i një miti të rrezikshëm/ Nga Klodian TOMORRI

29 Gusht 2016, 07:40, Aktualitet CNA

Ka nje mit fals qe perhapet sa here trafikantet duan te zbusin reagimin e publikut. Ai se droga ndihmon ekonomine dhe rrit te ardhurat kombetare.

Pikerisht kjo eshte duke ndodhur ne Shqiperi. Per te justifikuar perhapjen masive te kanabisit ne te gjithe territorin e vendit, trafikantet dhe ata qe qendrojne pas tyre, po perhapin tezen se droga po rrit mireqenien e fshatareve te varfer.

Ky eshte mit i rrezikshem. Nese do te ishte e vertete se droga rrit ekonomine, shqiptaret sot do te plotesonin llotarine kolumbiane dhe nuk do ishin duke u turrur tek ambasada amerikane ne armata prej 200 mije vete.

E verteta eshte krejtesisht ndryshe. Trafiku mbjell mjerim. Mekanizmi eshte i thjeshte. Trafiku kontrollohet nga te fortet, te cilet i perdorin te ardhurat e jashteligjshme per te konsoliduar pushtetin e tyre ne kurriz te shoqerise.

Parate e droges, blejne vota. Votat sjellin pushtet. Pushteti vjedh tendera. E gjithe kjo krijon nje ekonomi te kriminalizuar dhe informale qe gerryen sherbimet publike.

Ky eshte nje qerthull negativ i rrezikshem. Jo rastesisht te gjitha vendet ku ka kultivim dhe trafik narkotikesh jane vendet me te varfra.

Nga ana tjeter, edhe teza e legalizimit si zgjidhje e mundshme e problemit nuk do te ndryshonte asgje. Legalizimi i kanabisit ne Shqiperi nuk nenkupton legalizmin e tij ne Itali, Greqi apo cdo vend tjeter ku eksportohet. Rrjedhimisht trafiku i jashteligjshem do te vazhdoje.

Shqiperia ndodhet ne nje krize kombetare. Kriminilizimi kaq masiv i ekonomise mund te mbjelle farat e rrenimin ekonomik te vendit per nje kohe te gjate. Kjo ka vetem nje zgjidhje. Vullnetin e qeverise per te luftuar pa asnje kompromis trafikun dhe kultivimin e lendeve narkotike.

Eshte e qarte se organika aktuale e Ministrise se Brendshme nuk mund te garantoje me rendin dhe sigurine ne Shqiperi. Ndaj duhen ndryshime urgjente. Fillimisht ne nivel politik, e me pas ne te gjithe zinxhirin komandues te policise se shtetit.

Pertej perrallave me sondazhe qe e nxjerrin policine si institucionin me te besuar nga qytetaret, e verteta eshte se sot policia e shtetit eshte e diskretituar.

Ne media kane dale fakte te pakundershtueshme se shume krere te policise se shtetit ne qender dhe ne rrethe jane te perfshire me trafikun e droges. Ne kete situate ruajtja e status-quos do te kishte vetem nje rezultat. Kriminalizimin e metejshem te ekonomise dhe rrenimin e qytetareve te zakonshem.

Rikthimi i autoritetit moral ne Ministrine e Brendshme dhe ne Policine e shtetit eshte kritik. Shqiperia nuk mund te shnderohet ne Kolumbine e Europes. Prandaj teza e ekonomise qe rritet nga droga meriton vetem nje pergjigje. Refuzimin me neveri.