web counter
LEXO PA REKLAMA!

SHKARKO APP

App Store
Google Play

Bllokohet dhe sekuestrohet një gomone 5 metra/Trasportonte rreth 300 kg Mariuanë

28 Gusht 2016, 14:48, Aktualitet CNA

Operacion i përbashkët i Policisë Kufitare Shqiptare dhe Nuklit Detar të Guardia di Finanza. Bllokohet dhe sekuestrohet një gomone  5 metra e gjatë që trasportonte rreth  300 kg Mariuanë.  Arrestohen në flagrancë dy shtetas shqiptarë

Në orët e para të mëngjesit të datës 28-Aug-2016 Salla Operative e grupit Aereo Naval të Taranto ka komunikuar që ka marrë njoftim nga Patrulla e Përbashkët GdF dhe Delta, që një mjet po lëviz drejt brigjeve italiane.

Helikopteri i GdF në orën 06:10,  ka diktuar një gomone rreth 5 metra me dy persona në bord në një distancë 24 milje nga grykderdhja e lumit Vjosa dhe ka konstatuar disa pako në të.

Gomonia vinte nga brigjet shqiptare me shpejtësi 20 milje në orë.

Mjeti lundrues i Guardia di Finanza BSO110 i Qendrës së GdF Vlorë, në bordin e të cilit ndodhej edhe efektiv i Delta Forcë Radhimë Vlorë, si dhe një mjet lundrues i shpejtë i Repartit GdF të Puglia po mbështesnin veprimet e përbashkëta.

Rreth orës 11:00 am gomonia e cila po ndiqej u bllokua dhe u ndalua nga pjesëmarrësit në këtë operacion, në një distancë 24.8 milje nga grykëderdhja e lumit Vjosa. Bëhet fjalë për një gomone rreth 5 metra e gjatë me dy persona me dy persona me shtetësi shqiptare. Në këtë gomone u gjetën 12 pako të dimensioneve të ndryshme me rreth 300 kg mariuana (Canabis Sativa).

Gomonia u shoqërua për në portin e Brindisi-t. Gjatë këtij shërbimi, mjeti lundrues BSO110 me punonjësin e Policisë Shqiptare në bord, bëri kontrollin edhe të një motopeshkarexhë, e cila lundronte disa milje në distancë nga objektivi, ku rezultoi që në bordin e peshkarexhës nuk u gjendën materiale të dyshimta.

Emrat e dy personave të ndaluar:

1. B. K,  46 vjeç, lindur  në Qerret, Kavajë.

2. T. V,  36 vjeç, lindur në Qerret, Kavajë.





Lajmet e fundit nga