Oficeri i policisë së Kolonjës kultivues droge

28 Gusht 2016, 13:10, Aktualitet CNA

Policia e Korçës zbardh të dhënat mbi efektivin e policisë së Kolonjës. Sipas të dhënave të policisë oficeri i Policise se Komisariatit Kolonje, Edvin Meko, rezulton të jetë kultivues i drejtpërdrejtë i lëndës narkotike, si edhe bashkëpunëtor me disa kultivues të tjerë në zonë, të cilët jane identifikuar nga një hetim i Prokurorisë së Korcës dhe ndaj të cilëve gjykata ka caktuar masën e sigurisë “arrest ne burg”.

Oficeri i policise, Edvin Meko, nëpërmjet familjareve te tij, ka mbjelle dhe kultivuar disa parcela me cannabis ne disa zona malore te Ersekës. Pranë parcelave të familjarëve të tij kishin mbjellë lëndë narkotike edhe shtetasit Krenar dhe Mariglen Nuredini. Oficeri i policisë u kishte dale garant këtyre dy shtetasve se do t’i njoftonte në rast se do të kishte operacione policore në atë zone.

Në fund të muajit Korrik, Prokuroria e Korçës siguron një informacion, në baze të të cilit, në zonen ku operonin këta shtetas, ishin mbjellë siperfaqe të medha me lëndë narkotike. Prokuroria e Korçës zhvilloi hetimet, ne baze te te cilave u krijuan dyshimet e provuara se punonjësi i policisë, Meko, bashkëpunonte me kultivuesit. Ne mesin e gushtit, ndërkohë që prokuria Korçë po zhvillonre hetimet e saj, Shërbimi për Çështjet e Brendshme dhe Ankesa në Ministrinë e Brendshme, referon një informacion po për punonjesin Edvin Meko.

Pasi u sigurua informacioni i nevojshëm, në bazë të urdhërit të Prokurorisë, ne dt. 22.08.2016, u organizua operacioni per zbulimin dhe asgjësimin e parcelave në zonën, e cila ishte objekt i këtij hetimi të Prokurorisë.

Gjatë operacionit, u faktuan dyshimet e krijuara nga ana e prokurorise per kultivim lende narkotike, pasi aty u zbuluan ne total rreth 17.500 rrenje cannabis.

Prokuroria e Korçës vijoi hetimet për të identifikuar organizatorët dhe porositësit e lëndës narkotike.

Në vijim të hetimeve, Prokuroria kërkoi caktimin e masës së sigurisë “arrest me burg”, të cilat u pranuan nga gjykata per shtetasit:

Dy personat e fundit (Kristali dhe Bejko) dyshohet se jane organizatoret dhe porositesit e lendes narkotike te mbjelle ne parcelat e te dyshuarve Nuredini. /Citynews.al